LokSabha 2019 : तुम्ही 'चौकीदार', तर मी 'बेरोजगार' : हार्दिक पटेल 

अहमदाबाद, ता. 19 : पंतप्रधान नरेंद्र मोदी यांनी सुरू केलेल्या "मैं भी चौकीदार' या मोहिमेनंतर पाटीदार नेते व कॉंग्रेसचे लोकसभेचे उमेदवार हार्दिक पटेल यांनीही ट्‌विटर अकाउंटवर आपल्या नावापुढे "बेरोजगार' असे लावले आहे. त्यामुळे आता त्यांचे नाव "बेरोजगार हार्दिक पटेल' असे दिसत आहे. 

मोदींनी आपल्या नावापुढे "चौकीदार' लावल्यानंतर भाजपमधील सर्व मोठ्या नेत्यांनी व मंत्र्यांनी नावापुढे "चौकीदार' लावले आहे. तुमचा चौकीदार खंबीरपणे उभा आहे व देशाची सेवा करत आहे. पण, मी एकटा नाही. जो भ्रष्टाचाराविरुद्ध लढतो, अस्वच्छतेविरुद्ध लढतो, समाजातील दुष्ट शक्तींविरोधात आवाज उठवतो तो प्रत्येक जण "चौकीदार' आहे.

देशाच्या सर्वांगीण विकासासाठी जो झटतो आहे तो "चौकीदार' आहे. आज प्रत्येक भारतीय म्हणतोय - #MainBhiChowkidar'. यालाच उत्तर देत पटेल यांनी नवीन "बेरोजगार' मोहीम सुरू केली आहे. भाजप सत्तेत आल्यापासून बेरोजगारी वाढली आहे. अनेक शिक्षित तरुण केवळ नोकरी नसल्यामुळे बेरोजगार आहेत. त्यामुळे हार्दिक पटेल यांनी "बेरोजगार' असे नाव लावून पुन्हा एकदा मोदी सरकारवर टीका केली आहे.