Loksabha 2019 : '2024 च्या निवडणुकीनंतर स्मृती इराणी 'केजी'मध्ये अॅडमिशन घेतील' 

नवी दिल्ली : केंद्रीय मंत्री स्मृती इराणी यांच्या शैक्षणिक पात्रतेवर काँग्रेस नेते नवज्योत सिंग सिद्धू यांनी प्रश्नचिन्ह उपस्थित केले. यामध्ये सिद्धू म्हणाले, ''स्मृती इराणी 2014 मध्ये बीए पास होत्या. त्यानंतर 2019 मधील निवडणुकीत बारावी पास झाल्या. तर मग मला असं वाटतं 2024 च्या निवडणुकीपूर्वी त्या केजी (KG) क्लासमध्ये नक्कीच अॅडमिशन घेतील''.

स्मृती इराणी यांच्या शैक्षणिक पात्रतेचा मुद्दा अनेकदा चर्चेत आला होता. त्यानंतर आता नवज्योत सिंग सिद्धू यांनी त्यांच्यावर ट्विटरवरून टीका केली. यामध्ये सिद्धू म्हणाले, की ''2014 मध्ये स्मृती इराणी बीए पास होत्या. त्यानंतर 2019 मधील निवडणुकीत बारावी पास झाल्या. तर मग 2024 च्या निवडणुकीपूर्वी त्या केजी (KG) क्लासमध्ये नक्कीच अॅडमिशन घेतील, असे मला वाटते''.

दरम्यान, स्मृती इराणी यांनी 2014 च्या निवडणुकीवेळी पदवीधर असल्याचे प्रतिज्ञापत्रामध्ये नमूद केले होते. मात्र, यंदाच्या लोकसभा निवडणुकीतील प्रतिज्ञापत्रात त्यांनी बारावी उत्तीर्ण असल्याचे नमूद केले. त्यानंतर याच मुद्द्यावरून सिद्धू यांनी हे वक्तव्य केले.