11वीची विशेष फेरीचे प्रवेश स्थगित, SEBC विद्यार्थ्यांना अर्जात बदल करण्यासाठी मुदतवाढ

मुंबईः  एसईबीसी प्रवर्गातील विद्यार्थ्यांना ईडब्ल्यूएस प्रवर्गाचा लाभ देण्याचा निर्णय राज्य सरकारने घेतला आहे. त्यानुसार एसईबीसी विद्यार्थ्यांना ईडब्ल्यूएस किंवा खुला प्रवर्ग निवडण्यासाठी अकरावी ऑनलाईन प्रवेशाची प्रक्रिया स्थगित करण्यात आली आहे. त्यानुसार एसईबीसीच्या विद्यार्थ्यांना प्रवर्ग निवडण्याची सुविधा संकेतस्थळावर उपलब्ध करून दिली आहे. यामुळे अकरावीची विशेष फेरीचे महाविद्यालय ऑलॉटमेंट स्थगित करण्यात आले आहे. 

अकरावी ऑनलाईन प्रवेशाची प्रक्रिया मुंबई महानगर क्षेत्र, पुणे, पिंपरी चिंचवड, नाशिक, औरंगाबाद, अमरावती, नागपूर महापालिका क्षेत्रात राबविण्यात येत आहे. यंदा कोरोना आणि एसईबीसी आरक्षणाचा पेच निर्माण झाल्याने प्रवेश प्रक्रियेला विलंब झाला आहे. यातच आता राज्य सरकारने एसईबीसी प्रवर्गातील विद्यार्थ्यांना ईडब्ल्यूएस प्रवर्गाचा लाभ देण्याचा निर्णय राज्य सरकारने घेतला आहे. त्यानुसार या विद्यार्थ्यांना ईडब्ल्यूएस किंवा खुला प्रवर्ग निवडण्यासाठी संधी देण्यात आली आहे. यासाठी अकरावी प्रवेशाची पहिली विशेष फेरी स्थगित करण्यात आली आहे. पहिल्या विशेष फेरीत विद्यार्थ्यांना देण्यात आलेले महाविद्यालयांचे ऑलॉटमेंट स्थगित करण्यात आले आहे. 

हेही वाचा- मुंबई पोलिसांचे ऑपरेशन ऑलआऊट पार्ट 2, तब्बल 1 हजार 448 गुन्हेगारांची तपासणी
 
विशेष फेरीचे सुधारित वेळापत्रक

26 डिसेंबर सायंकाळी 5 पर्यत
एसईबीसी विद्यार्थ्यांनी ईडब्ल्यूएस किंवा जनरल प्रवर्ग निवडणे आणि अंडरटेकिंग अपलोड करणे. अर्जाचा भाग 1 भरून लॉक करणे आणि व्हेरिफाय करून घेणे. 
बदल करावयाचा नसल्यास फॉर्म पार्ट 1 अनलॉक करू नये. या कालावधीत इतर विद्यार्थ्यांनाही आपला अर्ज भाग 1 भरता येईल, त्यामध्ये बदल करता येईल. यापूर्वी प्रवेश घेतलेल्या विद्यार्थ्यांना प्रवेश रद्द करता येईल आणि विशेष फेरीसाठी लगेच अर्ज सादर करता येईल. 

27 डिसेंबर रात्री 11:55 पर्यत 
प्रवेशासाठी पसंतीक्रम नोंदविणे (भाग 2 भरणे व लॉक करणे) 
यापूर्वी ऑप्शन फॉर्म भरला असल्यास त्यामध्ये बदल करता येईल.

मुंबई विभागातल्या ताज्या बातम्या वाचण्यासाठी येथे क्लिक करा.

28 डिसेंबर 5 वाजता 
गुणवत्ता यादी जाहीर होणार आणि कट ऑफ संकेतस्थळवर प्रदर्शित होतील.

29 डिसेंबर ते 31 डिसेंबर सायंकाळी 6 पर्यत 
मिळलेल्या महाविद्यालयात प्रवेश निश्‍चित करण्यासाठी कालावधी 

1 जानेवारी 
विशेष फेरी पूर्ण झाल्यानंतर रिक्त राहणाऱ्या जागांचा तपशील जाहीर होणार.

---------------------------

(संपादन- पूजा विचारे)

11th special application round postponed Extension for SEBC students