Coronavirus : राज्यात कोरोनाचा पहिला बळी मुंबईत!
मुंबई : महाराष्ट्रात कोरोना व्हायरसचा प्रादूर्भाव प्रचंड प्रमाणात पसरला असून, राज्यातील पहिल्या कोरोनाग्रस्त रूग्णाचा मृत्यू झाला आहे. आज (ता. १७) मुंबईतील कस्तुरबा रूग्णालयात ६४ वर्षीय व्यक्तिचा उपचारादरम्यान मृत्यू झाला आहे. कोरोनाचा महाराष्ट्रातील पहिलाच बळी असल्याने राज्यात भितीचे वातावरण निर्माण झाले आहे. आतापर्यंत देशात ३ मृत्यू झाले असून, राज्यातील हा पहिलाच बळी आहे.
मृत पावलेले व्यक्ति नुकतेच दुबईहून परतले होते. गेले काही दिवस ते कोरोनावरील उपचार घेत होते. मात्र, या उपचारांना यश न मिळाल्याने आज त्यांचा मृत्यू झाला आहे. त्यांच्या पत्नीलाही कोरोनाची लागण झाल्याची चर्चा आहे. त्यामुळे मुंबईतील नागरिकांना काळजी घेण्याचे आवाहन आरोग्यमंत्री राजेश टोपे यांनी केले आहे.
देशात सर्वाधिक म्हणजे ३९ रूग्ण हे महाराष्ट्रात सापडले आहेत. त्यापैकी एक मृत्यू कर्नाटकात तर दुसरा मृत्यू दिल्लीत झाला आहे. मृतांची ओळख सांगण्याची परवानगी नसल्याने त्यांच्याबाबत काहीही माहिती उपलब्ध नाही.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.