ऑक्टोबरमध्ये सरासरीपेक्षा १२७ टक्के अधिक पाऊस

अमोल कुटे
सोमवार, 4 नोव्हेंबर 2019

नैॡत्य मोसमी वाऱ्यांच्या (मॉन्सून) हंगामात राज्यात यंदा दमदार पावसाची नोंद झाली. अखेरच्या टप्प्यात मॉन्सूनने आणि परतल्यानंतर मॉन्सूनोत्तर पावसाने राज्याला चांगलाच दणका दिला आहे. ऑक्टोबर महिन्यात राज्यात १६१.६ मिलिमीटर म्हणजेच सरासरीपेक्षा १२७ टक्के अधिक पावसाची नोंद झाली आहे.

पुणे - नैॡत्य मोसमी वाऱ्यांच्या (मॉन्सून) हंगामात राज्यात यंदा दमदार पावसाची नोंद झाली. अखेरच्या टप्प्यात मॉन्सूनने आणि परतल्यानंतर मॉन्सूनोत्तर पावसाने राज्याला चांगलाच दणका दिला आहे. ऑक्टोबर महिन्यात राज्यात १६१.६ मिलिमीटर म्हणजेच सरासरीपेक्षा १२७ टक्के अधिक पावसाची नोंद झाली आहे. 

आगमनाप्रमाणेच मॉन्सूनचा परतीचा प्रवास आत्तापर्यंतच्या सर्वांत उशिराने ९ ऑक्टोबर रोजी सुरू झाला. त्यानंतर अवघ्या आठ दिवसांत परतीच्या मॉन्सूनने देशाचा निरोप घेतला. मॉन्सून परतल्यानंतरही मॉन्सूनोत्तर पावसाने राज्यभर दाणादाण उडवून दिली. दुष्काळाने होरपळणाऱ्या मराठवाड्यात तर पावसाने अक्षरशः थैमान घातले. कोकण, मध्य महाराष्ट्रालाही पावसाने धुऊन काढले. पावसाचे प्रमाण प्रचंड असलेल्याने दुष्काळी भागातील नद्या वाहत्या झाल्या.

या कोरडवाहू भागातील अनेक नद्यांना कित्येक वर्षांना मोठे पूर आले. पुराचे पाणी शेतात, गावात शिरून नुकसान झाले. पावसाळा संपल्यानंतर मराठवाड्यातील धरणे, तलाव, बंधारे ओसंडून वाहिले. पश्चिम विदर्भाच्या काही भागात कोसळणार पावसाने पूर्व विदर्भात मात्र उसंत घेतली. विदर्भात सरासरीपेक्षा कमी पाऊस पडला.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 127 percentage more rainfall than average in october