Maharashtra Budget 2019 : कृषी विद्यापीठांसाठी 600 कोटींची तरतूद : अर्थमंत्री

मुंबई : मुख्यमंत्री देवेंद्र फडणवीस यांच्या नेतृत्वाखालील सरकारचा शेवटचा अतिरिक्त अर्थसंकल्प आज (ता. 18) विधिमंडळात सादर करण्यात आला. विधिमंडळाच्या दोन्ही सभागृहांत 2019-20 या वर्षाचा अतिरिक्त अर्थसंकल्प सादर झाला. विधानसभेत अर्थमंत्री सुधीर मुनगंटीवार यांनी अर्थसंकल्प मांडला. 

राज्य सरकारच्या या अर्थसंकल्पात शिक्षण क्षेत्राच्या दृष्टीने विविध महत्त्वपूर्ण निर्णय घेण्यात आले. यामध्ये कृषी क्षेत्राशी आधारित शिक्षणासाठी सरकारकडून योजना सुरु करण्यात येणार आहे. कृषी आधारित शिक्षणासाठी योजना सुरु करण्यात येणार आहे. तसेच राज्यातील चार कृषी विद्यापीठांना संशोधनासाठी 600 कोटींची तरतूद या अर्थसंकल्पात करण्यात आली आहे. दुष्काळग्रस्त भागातील शालेय विद्यार्थ्यांसह महाविद्यालयीन विद्यार्थ्यांना फीमध्येही सवलत देण्यात आली आहे, असे मुनगंटीवार यांनी सांगितले.

दरम्यान, राज्य सरकारच्या या अर्थसंकल्पात शिक्षण, कृषी क्षेत्रासह अनेक क्षेत्रांच्या दृष्टीने तरतूदी करण्यात आल्या.