स्नायू, दातदुखीच्या तक्रारींमध्ये वाढ; पुरेसा सूर्यप्रकाशही मिळेना
मुंबई - कोरोनाचा प्रादुर्भाव रोखण्यासाठी लागू केलेल्या लॉकडाउनमध्ये बहुतांश लोक घरांमध्ये बंद आहेत. त्यात व्यायामाचा अभाव, पुरेसा सूर्यप्रकाश अंगावर न घेणे व संतुलित आहार याकडे दुर्लक्ष केल्याने अनेकांच्या शरीरात जीवनसत्व ‘ड’ची कमतरता जाणवत आहे. त्यामुळे हाडे, दात तसेच स्नायूसंबंधी तक्रारींमध्ये वाढ होत असून देशातील सुमारे ७० ते १०० लोक या आजारांनी त्रस्त असल्याचे डॉक्टर सांगतात. त्यामुळे जीवनसत्व ‘ड’ची पूर्तता तसेच वेळेत योग्य उपचार करणे गरजेचे असल्याचे डॉक्टरांचे म्हणणे आहे.
- पुण्याच्या बातम्या वाचण्यासाठी येथे ► क्लिक करा
निरोगी आयुष्यासाठी हे जीवनसत्व आपल्या शरीरात योग्य प्रमाणात असणे अत्यंत आवश्यक आहे, असे झेन मल्टिस्पेशालिटी हॉस्पिटलमधील गुडघे प्रत्यारोपण शल्यविशारद डॉ. राकेश नायर यांनी सांगितले. शरीरातील ‘ड’ जीवनसत्वाची कमतरता औषध तसेच, पूरक आहाराच्या माध्यमातून भरून काढता येते; मात्र त्याचे अतिसेवन झाल्यास ते शरीराला अपायकारक ठरू शकते. त्यामुळे डॉक्टरांच्या सल्ल्यानुसारच पूरक आहाराचा वापर करावा.
स्वतःच्या मर्जीने कोणतीही औषधे घेऊ नका आणि डॉक्टरांनी सांगितलेल्या प्रमाणातच ‘ड’जीवनसत्वाचे सेवन करा; अन्यथा भविष्यात ते धोकादायक ठरू शकते, असा इशारा डॉ. नायर यांनी दिला आहे.
अपोलो स्पेक्ट्रा हॉस्पिटलच्या आहारतज्ज्ञ डॉ. श्वेता सावंत म्हणाल्या की, ‘ड’ जीवनसत्वामुळे शरीरात अनेक रोगांचा सामना करण्याची ताकद तयार होते. या जीवनसत्वाची कमतरता नसल्यास कोरोना विषाणूचा संसर्ग होणार नाही असे नाही, पण तो झाला आणि जीवनसत्व‘ड’ची पातळी शरीरात सामान्य असेल, तर विषाणूशी लढण्यास त्या व्यक्तीचे शरीर अधिक सक्षम असेल.
कमतरतेची कारणे
जीवनसत्व ‘ड’च्या कमतरतेची लक्षणे
यातून मिळते ‘ड’जीवनसत्व
Edited By - Prashant Patil
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.