अमरावती : कोरोनाच्या (Coronavirus) या कठीण काळात राज्यातील अनेक जिल्ह्यांमध्ये कुठे बेड्‌स तर कुठे ऑक्‍सिजन (Oxygen Available) , रेमडेसिव्हिरची (Remdesivir) कमतरता जाणवत असतानाच आता येत्या काही दिवसांत शासकीय डॉक्‍टरांचीसुद्धा (Government hospital doctor) कमतरता जाणवणार आहे. कारण कोरोनाच्या या कठीण काळात यावर्षी राज्यभरातील जवळपास 700 ते 800 गट अ व गट ब वैद्यकीय अधिकारी सेवानिवृत्त होणार आहेत. कोरोनाच्या तिसऱ्या लाटेचा प्रतीकार करण्यासाठी आता लढवैय्ये कुठून आणावेत? असा प्रश्‍न आरोग्ययंत्रणेला पडला आहे. (about 800 government doctors going to retire in Maharashtra)
राज्यातील अनेक जिल्ह्यांमध्ये सद्यःस्थितीत कमी अधिक प्रमाणात ऑक्‍सिजन, पीपीई किट्‌स, रेमडेसिव्हिर, प्रशिक्षित डॉक्‍टर्स, नर्सेस, आयुर्वेदिक औषधी तसेच लशींचा तुटवडा जाणवत आहे. त्यातच आता डॉक्‍टरांचाही तुटवडा निर्माण होण्याची शक्‍यता व्यक्त होत आहे. कारण यावर्षी गट अ तसेच गट ब श्रेणीतील जवळपास 800 डॉक्‍टर्स सेवेतून निवृत्त होत आहेत.
विशेष म्हणजे कोरोनाच्या काळात उत्तम सेवा देणाऱ्या डॉक्‍टर्सची सेवा तसेच त्यांचा अनुभव पुढील तिसऱ्या लाटेच्या कोरोनाकाळात अतिशय महत्त्वाचा ठरणारा आहे. त्यामुळे राज्यातील सेवानिवृत्त होणाऱ्या आरोग्य अधिकारी व कर्मचाऱ्यांना ऐच्छिक सेवावाढीचा विकल्प देऊन इच्छुकांना 1 ते 2 वर्षे सेवावाढ देण्याची मागणी राजपत्रित वैद्यकीय अधिकारी संघटनेचे (मॅग्मो) अध्यक्ष डॉ. रवींद्र शिरसाट तसेच सचिव डॉ. रोशन खोरगडे यांनी शासनाकडे केली आहे.
(about 800 government doctors going to retire in Maharashtra)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
