Vidhan Sabha 2019 : महायुतीला 192 तर महाआघाडीला मिळतील एवढ्या जागा

पुणे : एबीपी सी व्होटर्सच्या एक्झिट पोलचा अंदाज आला असून त्यांच्या अंदाजानुसार महायुतीला 192 ते  216 जागा मिळण्याचा अंदाज त्यांच्या सर्व्हेतून समोर आला आहे. तर काँग्रेस आघाडीला 55 ते 81 जागा मिळतील तसेच, इतर पक्षांना 4 ते 21 जागा मिळतील असा अंदाज वर्तवण्यात आला आहे.

महाराष्ट्र विधानसभा निवडणुकीसाठी आज मतदान झाले. राज्यातील अनेक भागांत कोसळणाऱ्या पावसामुळे निवडणूक यंत्रणांना रविवारी दिवसभर तारेवरची कसरत करावी लागली. राज्यातील 3237 उमेदवारांचे भवितव्य मतदान यंत्रात बंद झाले आहे.

राज्य विधानसभेच्या 288 जागा तर सातारा लोकसभा पोटनिवडणुकीसाठी सकाळी 7 ते सायंकाळी 6 वाजेपर्यंत मतदान झाले. राज्यात संध्याकाळी 5 वाजेपर्यंत 54.53 टक्के मतदान झाले होते.