अनिल देशमुखांनंतर आता अनिल परब; सोमय्यांचे सूचक वक्तव्य

मागील अनेक दिवसांपासून भाजपाचे किरीट सोमय्या यांनी महाविकास आघाडी सरकारमधील नेत्यांचे घोटाळे बाहेर काढण्याचा दावे केले आहेत. त्यानुसार त्यांनी पुरावे सादरही केले आहेत. याप्रकरणी आघाडीतील अनेक नेते आणि किरीट सोमय्यांचे (Kirit somaiya) या घोटाळ्यांवरून एकमेकांवर आरोपप्रत्यारोप पहायला मिळत आहेत. नेत्यांचे घोटाळे बाहेर काढत असताना सध्या चर्चेत असलेले अनिल देशमुख (Anil Deshmukh) यांच्या अडचणीतही वाढ झाली आहे. दरम्यान, आता सोमय्या यांनी आणखी एक ट्वीट करत पुढील नाव अनिल परब (Anil parab) असे म्हणत परिवहन मंत्री यांच्यावर निशाणा साधला आहे.

ट्वीट करत त्यांनी अनिल देशमुखांनंतर आता अनिल परब असे म्हणत, परिवहन मंत्र्यांवर रोख धरला आहे. मागील अनेक दिवसांपासून त्यांनी महाविकास आघाडी सरकारमधील (Mahavikas aaghadi Sarkar) बड्या नेत्यांचे घोटाळे बाहेर काढण्याचे दावे केले आहेत. त्या त्या वेळेस हे दावे खरे नसून मानहानी असल्याचा आरोपही सोमय्या यांच्यावर झाला आहे. आता या ट्वीटमुळे पुढील रोख अनिल परब यांच्यावर असणार का ? असेल तो कोणता असू शकतो? अशी चर्चा सध्या राजकीय वर्तुळात सुरु आहे.

दरम्यान, राज्याचे मुख्य सचिव सीताराम कुंटे (sitaram kunte) यांना ईडीनं समन्स (enforcement directorate summons) बजावल्यानंतर ईडी कार्यालयात अनिल देशमुख यांची चौकशाही (investigation in ED office) करण्यात आली होती. यानंतर अनिल देशमुख पोलिसांच्या बदल्यांसाठी अनधिकृत यादी पाठवायचे असा जबाब सिताराम कुंटे यांनी ईडीकडे नोंदवला आहे. अधिकाऱ्यांच्या बदल्यांबाबतचे बहुतांश निर्णय हे देशमुखच घेत होते. अधिकाऱ्यांच्या बदल्यांमधून ४० कोटी रुपये घेतल्याचे अटकेतील आरोपी सचिन वाझे यांनी ईडी समोर कबूल केले असल्याचे कुंटे यांनी सांगितले आहे.