Eknath Shinde : मिशन ठरलं! शिंदे गट लोकसभा-विधानसभेच्या 'या' जागांवर बजावणार हक्क

ठाकरेंच्या गैरहजेरीमध्ये शिवसेना कार्यकारिणीची ही पहिलीच बैठक
Eknath Shinde
Eknath ShindeEsakal

मुंबई - केंद्रीय निवडणूक आयोगाने शिवसेना पक्षाचे नाव आणि धनुष्यबाण चिन्ह एकनाथ शिंदे गटाला दिलं आहे. त्यानंतर प्रथमच शिंदे गटाने काल अधिकृत शिवसेना पक्षाची कार्यकारणीची बैठक घेतली. या बैठकीत एकनाथ शिंदे यांची शिवसेना पक्षप्रमुखपदी नव्हे तर पक्षाच्या मुख्य नेतेपदी निवड झाली आहे.

या निवडीमुळे शिवसेना पक्षाचे सर्वाधिकार मुख्यमंत्री एकनाथ शिंदे यांच्याकडे असणार आहे. आजच्या बैठकीत, शिंदे यांची निवड पक्षप्रमुखपदी होणार अशी चर्चा होती. मात्र शिंदे शिवसेनेच्या मुख्यनेतेपदी कायम आहेत.

काही दिवसांपूर्वी केंद्रीय गृहमंत्री अमित शहा पुणे, कोल्हापूर दौऱ्यावर होते. त्यावेळी त्यांनी कोल्हापुरात जाहीर सभा घेतली यावेळी त्यांनी महाराष्ट्रातील सर्व ४८ जागा भाजप आणि मोदींच्या झोळीत टाका अशी साद घातली आहे. यापूर्वी महाराष्ट्र भाजपने राज्यात मिशन ४५ चा नारा दिला होता. मात्र शाहांनी ४८ जागांचा दावा केला आहे. त्यामुळे शिंदे गटाला वरच्या फक्त तीन जागा मिळतील का?, असा प्रश्न निर्माण झाला होता.

Eknath Shinde
'रस्त्यावर पवार पवार म्हणत दगड मारत फिरालं', मनसेचं राऊतांना काळजीपोटी पत्र

त्यानंतर काल एकनाथ शिंदे यांच्या उपस्थितीत पार पडलेल्या शिवसेनेच्या कार्यकारणीच्या बैठकीत शिंदे गटनेही आपल्या लोकसभा-विधानसभा जागांचं टार्गेट निश्चित केलं आहे. या कार्यकारणीच्या बैठकीमध्ये शिवसेनेने लोकसभा आणि विधानसभा निवडणुकीच्या मिशनचीही घोषणा करत शिवसेना-भाजप युतीला लोकसभेत 45 आणि विधानसभेत 200 जागा जिंकण्याचा निश्चय करण्यात आला आहे.

शिवसेनेच्या कार्यकारिणीमध्ये अनेक महत्त्वाचे ठराव झाले. यामध्ये मुख्यमंत्री एकनाथ शिंदे मुख्य नेतेपदी कायम आहे. त्यामुळे पक्षाचे सर्वाधिकार शिंदे यांच्याकडे देण्यात आले. यावेळी मराठी अभिजात भाषेचा दर्जा देण्याचा ठराव झाला. ८० टक्के भूमिपुत्रांना नोकरी देण्याचा ठरावही करण्यात आला. तसेच वि.दा. सावरकर यांना मरणोपरांत भारतरत्न देण्याचा ठरावही घेण्यात आला.

Eknath Shinde
CM शिंदे आणखी एका पत्ता उघडण्याच्या तयारीत; ठाकरेंच्या पक्षाकडे असलेलं आणखी एक पद जाणार?

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com