Monsoon Assembly Session: आमचे मित्र अजित पवार - कवी एकनाथ शिंदे; साथ - देवेंद्र फडणवीस | Sakal
sakal

बोलून बातमी शोधा

Eknath Shinde Devendra Fadnavis
Monsoon Assembly Session: आमचे मित्र अजित पवार - कवी एकनाथ शिंदे; साथ - देवेंद्र फडणवीस

Monsoon Assembly Session: आमचे मित्र अजित पवार - कवी एकनाथ शिंदे; साथ - देवेंद्र फडणवीस

राज्यसभेचं पावसाळी अधिवेशन यंदा चांगलंच गाजतंय. नेत्यांची टोलेबाजी, टोमणे, गद्दार, ५० खोकेवरुन दिल्या जाणाऱ्या घोषणा या सगळ्याची अधिवेशनामध्ये जोरदार चर्चा झालीय. त्यातच मुख्यमंत्री एकनाथ शिंदेंनी म्हटलेली कविता चांगलीच गाजतेय. अनेकांच्या भुवया यामुळे उंचावल्या असून अनेकांनी यावरुन तर्कवितर्क लढवण्यास सुरुवात केली आहे. (Maharashtra Assembly Monsoon Session CM Eknath Shinde)

हेही वाचा: Maharashtra Assembly : विधानसभेतलं Eknath Shinde यांच Uncut भाषण !

विरोधकांना टोला लगावताना मुख्यमंत्री एकनाथ शिंदेंनी माझ्या सहनशीलतेचा अंत बघू नका, असा सूचक इशारा अधिवेशनात काल दिला आहे. सरकारकडून त्रुटी राहिल्या तर नजरेस आणून द्या. पण प्रत्येक गोष्टीत राजकारण आणाल तर माझ्याकडेही तुमच्या चिठ्ठ्या चपाट्या आहेत, त्या बाहेर काढण्याची वेळ आणू नका, असा इशारा मुख्यमंत्री शिंदेंनी दिलाय. शिवाय, हा इशारा नाही, असंही सांगितलं. यावरुन एक कविताही त्यांनी सादर केलीय. ही कविता अशी -

हेही वाचा: Maharashtra Monsoon Session Live : जबरदस्तीने होणाऱ्या धर्म परिवर्तनाचा मुद्दा आजच्या दिवशी गाजण्याची शक्यता

कितीही संकटं येऊ द्या, आपण सगळे एकत्र येऊया

कशाला करायचं राजकारण; आपला उद्देश समाजकारण

एकमेकांना साहाय्य करुया, महाराष्ट्राला पुढे नेऊया.

थांबवा आता शब्दांचे वार, आमचे मित्र अजित पवार

शेवटची ओळ म्हणत असताना शिंदे मधेच थांबले. त्यांनी शेजारी बसलेल्या देवेंद्र फडणवीसांकडे पाहून "हे नको ना?" असं विचारलं. हे विचारत असतानाच देवेंद्र फडणवीसांनी "आमचे मित्र अजित पवार" ही ओळ म्हणून टाकली आणि सभागृहात चांगलाच हशा पिकला.

Web Title: Ajit Pawar Devendra Fadnavis Eknath Shinde Presented Poem In Vidhan Bhavan Monsoon Assembly Session 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..