Ajit Pawar Press Conference : राष्ट्रवादीत फूट नाही, पण बहुमत अजितदादांच्या पाठिशी; पटेलांचा दावा

Ajit Pawar press conference :  अजित पवार गटाने आज पत्रकार परिषद घेत भूमिका स्पष्ट केली. अजित पवार यांनी राष्ट्रवादी काँग्रेसमध्ये मोठा बंड केला आहे. शरद पवार यांनी देखील अजित पवार यांच्या विरूद्ध दंड थोपटले आहे. दरम्यान प्रफुल्ल पटेल यांनी पत्रकार परिषदेत घेत ३० तारखेपासून झालेला घटनाक्रम सांगितला. 

३० जून २०२३ ला राष्ट्रवादी काँग्रेस पक्षाची महत्त्वाची बैठक झाली. या बैठकीत अनेक लोक उपस्थित होते. देवगीरीला ही बैठक झाली. राष्ट्रवादीचे आमदार, कार्यकर्ते देखील होते. या बैठकीत सर्वांनी अजित पवार यांची राष्ट्रीय अध्यक्ष म्हणून निवड केली आहे.

त्यामुळे अजित पवार यांनी प्रथम प्रफुल्ल पटेल यांना राष्ट्रीय कार्यकारी अधिकारी म्हणून नियुक्त केले. तसेच अजित पवार पक्षाचे नेते आहेत हे सुचित केलं. तसेच अनिल पाटील यांना प्रतोद म्हणून कायम ठेवले. तसेच अमोल मिटकरी यांना विधानपरिषदेचे प्रतोद म्हणून नियुक्त करत आहोत.

आम्ही निवडणूक आयोगात देखील याचिका दाखल केली आहे. ३० तारखेपासून निवडणूक आयोग आणि विधानसभा अध्यक्ष यांच्या दारात हा विषय गेला आहे. आम्ही राष्ट्रवादी काँग्रेस पक्ष आहोत. त्यामुळे पक्ष चिन्ह आम्हाला मिळाले पाहिजे, अशी मागणी आम्ही आयोगाकडे केली. कारण बहुमत अजित पवार यांच्याकडे आहे.

काल दिल्लीत राष्ट्रवादी काँग्रेसची बैठक झाली. ती अधिकृत बैठक नव्हती. कारण आमच्या घटनेत काही नियम आहेत. या नियमानुसार सगळी प्रक्रिया आहे. 

प्रफुल्ल पटेल यांनी शरद पवार यांच्या भूमिकेवर प्रश्न उपस्थित केले आहेत. "कोणतीही नियुक्ती ही निवडणुकीच्या माध्यमातून व्हावी लागते, पण आमच्याकडे कधीच तसं झालं नाही. महाराष्ट्रातच कधीच निवडणुका झाल्या नाहीत तर इतर ठिकाणचा विषयच येत नाही.
मी माझ्या सहीने राष्ट्रीय पातळीवर अनेक नियुक्त्या केल्या आहे, त्या सगळ्या बेकायदेशीर आहेत," असे पटेल म्हणाले.