अजित पवार राष्ट्रवादीत पुन्हा सक्रीय; बैठकीत थेट मंचावर

मुंबई : य़शवंतराव चव्हाण प्रतिष्ठाणमध्ये सध्या राष्ट्रवादी काॅंग्रेसची बैठक झाली. या बैठकीला राष्ट्रवादीचे सर्व वरिष्ठ नेते सहभागी झाले होते.

राष्ट्रवादीशी बंडखोरी करणारे अजित पवार पुन्हा स्वगृही परतल्याने पक्षातील कार्यकर्ते आणि नेते सध्या त्यांचं स्वागत करत आहेत. सोशल मीडियावरही कार्यकर्ते अजित पवारांचे आभार मानत असून अनेकजण अजित पवारांनी भाजपासोबत जाणं शरद पवारांची खेळी होती असा दावा करत आहेत. अजित पवार यांनी मंगळवारी रात्री शरद पवारांची भेट घेत पुन्हा सगळं काही आलबेल झालं असल्याचं दाखवून दिलं.

आजच्या बैठकीला प्रदेशाध्यक्ष जयंत पाटील, अजित पवार, दिलीप वळसे पाटील, अनिल देशमुख, ज्येष्ठ नेते छगन भुजबळ आदी नेते उपस्थित आहेत. सर्व आमदारांची आता बैठक झाली आहे. या बैठकीत मंत्रीपदांविषयी देखील चर्चा झाल्याची माहिती विश्वसनीय सुत्रांनी दिली आहे. या ठिकाणी ते पाच आमदार देखील उपस्थित होते. अजित पवार यांनी त्या आमदारांची बैठक घेतल्याचेही बोलले जात आहे. या बैठकीतील तपशील मात्र समजू शकला नाही.