Ajit Pawar PM Meet: राष्ट्रवादीतील बंडानंतर अजित पवारांची दुसऱ्यांदा दिल्ली वारी, पहिल्यांदाच घेणार PM मोदींची भेट

राष्ट्रवादी काँग्रेसमधील नेते अजित पवार यांच्यासह इतर ८ आमदारांनी मंत्रीपदाची शपथ घेतल्यानंतर महाराष्ट्राचे उपमुख्यमंत्री अजित पवार पहिल्यांदाच पंतप्रधान नरेंद्र मोदी यांची भेट घेणार आहेत. अजित पवार 18 जुलै रोजी पंतप्रधान मोदी यांना भेटणार असल्याची माहीती खुद्द अजित पवार यांनी दिली आहे. (Latest Marathi News)

''मी 18 जुलैला पंतप्रधान मोदी यांना भेटणार आहे. या बैठकीमध्ये मी त्यांच्यासोबत शेतकऱ्यांचे विविध प्रश्न मांडणार आहे. अजित पवार आणि प्रफुल्ल पटेल एनडीएच्या बैठकीला उपस्थित राहणार आहेत. राज्यातील मोठ्या राजकीय घडामोडीनंतर अजित पवार पहिल्यांदाच पंतप्रधान मोदी यांना भेटणार आहेत. त्यामुळे या भेटीकडे सर्वांचं लक्ष लागलं आहे. (Marathi Tajya Batmya)

दिल्लीमध्ये एनडीएच्या बैठकीसाठी उपमुख्यमंत्री अजित पवार आणि प्रफुल्ल पटेल यांना निमंत्रण देण्यात आले आहे. या पार्श्वभूमीवर एनडीएच्या 18 जुलैच्या बैठकीत उपमुख्यमंत्री अजित पवार उपस्थित असणार आहेत. दिल्लीत एनडीएची बैठक पार पडणार आहे. या बैठकीत आगामी निवडणुकींवर चर्चा करण्यात येणार आहे. अजित पवारांचा हा दुसरा दिल्ली दौरा असणार आहे. यापूर्वी खातेवाटपाआधी अजित पवारांनी अमित शाहांची भेट घेतली होती.(Latest Marathi News)

दरम्यान अजित पवार यांनी पंतप्रधान मोदी यांचं कौतुकही केलं आहे. बोलताना ते म्हणाले की, 'देशातच नव्हे तर जगभरात नरेंद्र मोदींचा करिष्मा आहे, हे नाकारून चालणार नाही. त्यामुळे राज्याच्या विकासासाठी आम्ही सरकारमध्ये सामील झालो आहोत. सरकारमध्ये असल्याशिवाय राज्यातील प्रश्न सोडवणे शक्य होणार नसल्याचे सांगत पीएम नरेंद्र मोदींसारखं दुसरं नेतृत्व नाही असंही ते म्हणालेत'. (Marathi Tajya Batmya)