Amravati : लहान मुलांच्या ICU ला आग; 2 मुलं किरकोळ जखमी

अमरावती जिल्हा स्त्री रुग्णालयात आग लागल्याची धक्कादायक घटना घडली. मिळालेल्या माहितीनुसार, लहान मुलांच्या आयसीयू कक्षाला ही आग लागली. वेळीच खबरदारी घेतल्याने सुदैवाने यात कुठलीही जीवितहानी झाली नाही. मात्र, यामध्ये 2 मुलं किरकोळ जखमी झाल्याचे सांगण्यात येत आहे. (amravati ICU of District Women's Hospital fire )

ही आग लहान मुलांच्या आयसीयू वार्डात लागल्याने इथे असलेल्या लहान मुलांना तातडीने दुसऱ्या वार्डात शिफ्ट करण्यात आलं. सुदैवाने यात कोणतीही मोठी दुर्घटना घडली नाही. मात्र, या आगीमध्ये दोन बालकं किरकोळ जखमी झाली आहेत. त्यांना उपचारासाठी तातडीने पंजाबराव देशमुख रुग्णालयात हलवण्यात आलं आहे.

मात्र, ही आग कशी लागली हे अद्याप समोर आलेल नाही. या घटनेनंतर अमरावती दौऱ्यावर आलेले काँग्रेस प्रदेशाध्यक्ष नाना पटोले रुग्णालयात दाखल झाले. त्यांनी याठिकाणी पाहणी करून घटनेची माहिती घेतली आहे.