अमरावती हिंसाचार: आरोपी अनिल बोंडेंसह इतर भाजप नेत्यांना जामीन मंजूर | Sakal
sakal

बोलून बातमी शोधा

अमरावती हिंसाचार: आरोपी अनिल बोंडेंसह इतर भाजप नेत्यांना जामीन मंजूर

अमरावती हिंसाचार: आरोपी अनिल बोंडेंसह इतर भाजप नेत्यांना जामीन मंजूर

अमरावती: : अमरावती बंदला हिंसक (Amravati violence) वळण लागल्यानंतर पोलिसांनी (Amravati police) गुन्हेगारांची धरपकड सुरू केली आहे. आतापर्यंत दोन्ही गटातील जवळपास ९० जणांना अटक करण्यात आली आहे. यामध्ये भाजपचे माजी मंत्री अनिल बोंडेंसह (Anil Bonde) महापौर चेतन गावंडे (Mayor Chetan Gawande) आणि भाजपचे सभागृह नेते तुषार भारतीय (BJP Leader Tushar Bhartiya) यांना अटक करण्यात आली होती. त्यांना आता जामीन मंजूर करण्यात आला आहे. अमरावतीच्या सिटी कोतवाली पोलिसांनी अनिल बोंडेंवर अटकेची कारवाई केली होती. दंगल भडकावणे, दंगल भडकावण्यासाठी प्रवृत्त करणं अशा कलमांतर्गत अनिल बोंडेंसह इतर भाजप नेत्यांवर गुन्हे नोंद झाले आहेत. त्यांच्यासह आता सभागृह नेते तुषार भारतीय, महापौर चेतन गावंडे यांना देखील जामीन मिळाला आहे.

हेही वाचा: अमरावती हिंसाचार : पोलिसांची मोठी कारवाई, भाजपच्या महापौरांसह तिघांना अटक

शनिवारी भाजपने पुकारलेल्या बंदमध्ये हिंसा घडवल्याच्या आरोपाखाली ही कारवाई करण्यात आली होती. डॉ. अनिल बोंडे यांच्या नेतृत्वाखाली भाजपने शनिवारी आंदोलन केलं होतं. त्या बंदमध्ये झालेल्या हिंसेला बोंडे जबाबदार असल्याचा ठपका पोलिसांनी ठेवला होता. शनिवारी त्रिपुरातील कथित हिंसाचाराच्या घटनेचे पडसाद अमरावतीमध्ये उमटले होते. त्यावेळी हिंसा देखील झाली होती. त्या हिंसेचा निषेध करण्यासाठी अमरावतीमध्ये बंद पुकारण्यात आला होता. या बंदने हिंसक वळण घेत अनेक दुकानाची तोडफोड करण्यात आली. तसेच काही दुकानांना आग लावण्यात आली. सर्वाधिक उपद्रव राजकमल चौक, नमुना परिसरात झाला.

शहर कोतवाली पोलिसांनी त्याप्रकरणी दोन्ही गटातील जमावाविरुद्ध जाळपोळ, दगडफेकप्रकरणी दोन गुन्हे दाखल केले. तर खोलापुरीगेट ठाण्याच्या हद्दीत दुपारी साडेबारानंतर छत्रपुरी खिडकी परिसरात तीन व्यापारी प्रतिष्ठानांना काही उपद्रवींनी लक्ष केले. बंद प्रतिष्ठाने फोडून जवळपास सात लाखांचा ऐवज लुटल्या गेला, असे खोलापुरीगेट पोलिसांनी सांगितले. त्याप्रकरणी दोन गुन्हे दाखल करण्यात आले.

loading image
go to top