मलिकांच्या राजीनाम्यासाठी विरोधक आजही आक्रमक होण्याची शक्यता

राज्याच्या अर्थसंकल्पीय अधिवेशनाच्या शेवटच्या आठवड्याला आज सुरुवात होतेय. नेहमी प्रमाणे हे अधिवेशन देखील वादळी ठरलं असून, आज नवाब मलिक यांच्या राजीनाम्यावर विरोधक आक्रमक होण्याची शक्यता आहे. नवाब मलिकांच्या राजीनाम्याची अधिवेशनाच्या पहिल्याच दिवसापासून विरोधकांकडून मागणी केली जातेय.

अधिवेशनाच्या शेवटच्या आठवड्यात देखील नवाब मलिक यांच्या राजीनाम्यावरून विरोधक गोंधळ घालण्याची दाट शक्यता आहे. मागच्या चार दिवसांच्या सुट्टीनंतर आज सभागृह सुरु होणार आहे. आज सभागृहात एकूण 18 लक्षवेधींवर चर्चा होणार आहे.