Bacchu Kadu: अखेर मनातलं ओठावर; 'मुख्यमंत्री बनायचंय' बच्चू कडूंनी जाहीर सभेत बोलून दाखवली इच्छा

गेल्या काही दिवसांपासून प्रहार संघटनेचे नेते बच्चू कडू यांच्या पदरी काहीच न पडल्यामुळे अजूनही ते वेटिंगवर आहेत. इतकेच नव्हे तर राजकीय वर्तुळात त्यांच्या नाराजीचीही चर्चा रंगली आहे. दरम्यान, त्यांच्या मनातली गोष्ट त्यांनी एका जाहीर सभेत बोलून दाखवली आहे.(Bacchu Kadu)

टी व्ही ९ ने दिलेल्या माहितीनुसार, 'मुख्यमंत्री बनायचंय अशी इच्छा बच्चू कडूंनी जाहीर सभेत बोलून दाखवली आहे. अमरावतीमध्ये एका कार्यक्रमाला बच्चू कडू उपस्थित होते.

काय म्हणाले बच्चू कडू?

'प्रहार आपला स्वतःचा पक्ष आहे, आपल्या मातीतला आपण निर्माण केलेला पक्ष आहे, लोक आम्हाला म्हणाले गद्दारी केली, आम्ही काही गद्दारी केली नाही. आमचा स्वतंत्र पक्ष आहे असे म्हणत "तुम अगर मुख्यमंत्री बनना चाहते तो हमे भी बनना है...."आम्हालाही मुख्यमंत्री बनायचं आहे, असं वक्तव्य आमदार बच्चू कडू यांनी केलं.

यापूर्वी सुद्धा बच्चू कडू यांनी मुख्यमंत्री बनण्याची इच्छा व्यक्त केली होती. आता पुन्हा एकदा बच्चू कडू यांनी थेट मुख्यमंत्रिपदावरील आपली आकांक्षा व्यक्त केली. त्यामुळे राजकीय वर्तुळाच चर्चेला उधाण आलं आहे.