Mumba High Court: अक्षय शिंदे एन्काऊंटर प्रकरणात सीआयडीकडून तपासात प्रचंड हयगय केली जात आहे. ही घटना अत्यंत संवेदनशील असताना तपासातील दिरंगाई अक्षम्य आहे. आतापर्यंत अनेकदा मुदत देऊनही अद्याप कागदपत्रे सादर का केली नाही, असा सवाल उपस्थित करीत उच्च न्यायालयाने सीआयडीला धारेवर धरले. तसेच चौकशीसाठी दंडाधिकाऱ्यांना २० जानेवारीपर्यंतची मुदत देत तपास अहवाल सरकारला सादर करण्याचे निर्देश दिले.
