Video Viral : महाविकास आघाडीने मोर्चात पैसे वाटले? भाजपने समोर आणला व्हीडिओ

मुंबईः महाविकास आघाडीच्या वतीने आज मुंबईत मोर्चा काढण्यात आला होता. या मोर्चावरुन आज दिवसभर आरोप-प्रत्यारोप सुरु आहेत. त्यातच आता एक व्हीडिओने खळबळ माजली आहे.

भाजप प्रवक्ते केशव उपाध्ये यांनी ट्विटरवर एक व्हीडिओ शेअर केला आहे. यामध्ये एक व्यक्ती जमलेल्या लोकांना पैसे वाटत आहे. मोर्चासाठीच पैसे वाटप झाल्याचा आरोप उपाध्ये यांनी केला.

''मुंबईतील पत्रकार संघाच्या जवळ असलेल्या काँग्रेस कार्यालयाजवळ आज मोर्चा सुरु असतांनाचे दृश्य. आज 'मविआ' मोर्चात थोडीफार लोक जमली तीसुद्धा अशा पद्धतीने'' असं ट्वट केशव उपाध्ये यांनी केलं आहे.

छत्रपती शिवाजी महाराज यांचा अवमान, महाराष्ट्र-कर्नाटक सीमावाद यासह इतर महापुरुषांबद्दल अवमानजनक वक्तव्यं; याविरोधात महाविकास आघाडीने आज मोर्चा काढला होता. याच मोर्चावरुन सध्या रान पेटलेलं आहे.