जनाब संजय राऊत, तुम्ही खुशामतगिर; राम सातपुतेंची जहरी टीका

जनाब संजय राऊत (Sanjay Raut), तुमचं इतिहासातलं नाव खुशामतगिर म्हणून नेहमीच अव्वल राहिलं. कारण आपल्या सारखा ‘खुशामतगिर’ परत होणे नाही अशी टीका भाजप आमदार राम सातपुते (Ram Satpute) यांनी केली आहे. गेल्या काही दिवसांपासून शिवसेना (Shivsena) मोठी की भाजप (BJP) यावरून दोन्ही पक्षांमध्ये चढाओढ सुरू असून, त्यावरून दोन्ही पक्षातील नेते एकमेकांवर जोरदार टीका करत आहेत.

संजय राऊत यांच्यावर टीका करताना राम सातपुते म्हणाले की, संजय ‘प्राईड व्ह्युल्यु ‘काय असते ? हे समजण्याची तुमची कुवत नाही. त्यामुळेच पंतप्रधान मोदी बांधत असलेलं सेंट्रल व्हीस्टा हे नव संसद भवन असो की नेताजी सुभाषचंद्र बोस यांचा पुतळा असो की काशीचं भव्य दिव्य मंदीर असो हे सर्व तुमचा जळफळाट करणारंच आहे. असो, महाराष्ट्रातील समस्यांबद्दलही लिहत चला असा खोचक सल्ला दिला आहे.

दरम्यान, वंचित घटकातील विद्यार्थ्यांचा टक्का उच्चशिक्षण व संशोधनात वाढावा या साठी बार्टीसारख्या संस्थेची स्थापना करण्यात आली होती. परंतु या महाविकास आघाडी सरकारच्या कामचुकार धोरणांमुळे त्या योजनेचा उद्देशच नष्ट होतोय. यामुळे ५१८ विद्यार्थ्यांच्या मुलाखती होऊन वर्ष उलटून गेलं तरी त्यांना शिष्यवृत्ती मिळालेली नाही असं सातपुते म्हणाले. या सर्व प्रश्नांवर आपण कधी बोलणार की, वंचीत नेहमी वंचीतच राहिले पाहिजे, हे काँग्रेसचच धोरण आपण राबवणार आहात? असा सवात त्यांनी उपस्थित केला.