'आज फुसकी सभा'; मुख्यमंत्र्यांच्या सभेवरून भाजपाचं राऊतांना प्रत्युत्तर | Sakal
sakal

बोलून बातमी शोधा

Uddhav Thackeray

'आज फुसकी सभा'; मुख्यमंत्र्यांच्या सभेवरून भाजपाचं राऊतांना प्रत्युत्तर

मुंबई : शिवसेनेची आज मुंबईतील बीकेसी मैदानावर जाहीर सभा होणार असून या सभेची जय्यत तयारी करण्यात आली आहे. दरम्यान विरोधकांकडून या सभेवर टीका करण्यात येत असून शिवसेनेकडून त्यावर प्रत्युत्तर देण्यात येत असल्याचं पाहायला मिळतंय. आज सकाळी शिवसेनेचे खासदार संजय राऊत यांनी ट्वीट केलं होतं त्यावर भाजपाकडून फुसकी सभा म्हणत बोचरी टीका केली आहे.

हेही वाचा: केतकी चितळेच्या पोस्टवर राज ठाकरेंकडून तीव्र शब्दात निषेध

संजय राऊत यांनी "लगता है फिरसे उतरना पडेगा मैदान में दुबारा, कूछ लोग भूल गये है.. अंदाज हमारा !!! जय महाराष्ट्र!" असं ट्वीट केलं होतं. त्या ट्वीट ला उत्तर देताना भाजपने ट्वीट करत म्हटलंय की, "वह जिसने घर नही छोडा वह क्या मैदान में उतरेगा, देखा तुम्हारा असली चेहरा कोई बच्चा भी नही डरेगा, जय महाराष्ट्र, आज फुसकी सभा." असं ट्वीट करत शिवसेनेला टोला लावला आहे. दरम्यान शिवेसनेच्या आजच्या सभेची जोरदार तयारी करण्यात आली असून सायंकाळी सात वाजता बीकेसी मैदानावर सभा सुरू होणार आहे.

हेही वाचा: लातूर : आई अन् दोन मुलींसह पाच महिलांचा तलावात बुडून मृत्यू

राज ठाकरे यांच्या तीन सभेनंतर महाराष्ट्रात भोंग्याच्या प्रकरणावरून तणाव निर्माण झाला होता. त्यांनी भोंगे खाली उतरवण्यासाठी अल्टिमेटम दिला होता. त्यानंतर काही मुस्लीम संघटनांकडून यासाठी विरोध करण्यात आला होता. त्यानंतर राज्यातील गृहविभागाने सतर्कता दाखवत शांतता राखण्याचे आवाहन केले होते. त्यांच्या या सभेनंतर शिवसेनेने आपल्या सभेची तारीख जाहीर केली होती. दरम्यान या सभेनंतर शिवसेनेचे आदित्य ठाकरे हे १० जूनला आयोध्येला जाणार असून ५ जूनला राज ठाकरे आयोध्येचा दौरा करणार आहेत.

Web Title: Bjp On Sanjay Raut Twit Uddhav Thackeray Sabha

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top