सतेज पाटलांनी हद्दवाढीची 'ती' पाच गावे घोषित करावी; चंद्रकांत पाटील

सतेज पाटील यांनी आचारसंहिता भंग केला-चंद्रकांत पाटील
Chandrakant Patil
Chandrakant Patilesakal

कोल्हापूर: उत्तर पोटनिवडणुकीची आचारसंहिता सुरू असताना पालकमंत्री सतेज पाटील (Satej Patil) यांनी कोल्हापूर शहरात जवळची चार-पाच गावे समाविष्ट करणार असल्याची घोषणा केली. ही घोषणा १२ एप्रिलपर्यंत आहे की राजकीय आहे हे स्पष्ट करावे असा टोला भाजप (BJP) प्रदेशाध्यक्ष चंद्रकांत पाटील (Chandrakant Patil) यांनी लगावला. आज ते कोल्हापुरात माध्यमांशी बोलत होते.

यावेळी चंद्रकांत पाटील म्हणाले, सतेज पाटील यांनी आचारसंहिता सुरू असताना ही घोषणा करून आचारसंहितेचा भंग केला आहे. शहरासाठी हद्दवाढ गरजेची असल्याने आमचा या घोषणेला पूर्ण पाठिंबा आहे. पण त्यांनी घोषणा मनापासून केली का निवडणूकीपुरती केली हे स्पष्ट करावे. तसेच हद्दवाढीत येणाऱ्या पाच गावांची नावेही सांगावीत म्हणजे लोक त्यांच्या घरात घुसतील की नाही हे बघाच असा टोलाही त्यांनी यावेळी लगावला.

Chandrakant Patil
आगामी पालिका निवडणूक रंगणार; जयंत पाटलांनी दिला कानमंत्र

ते पुढे म्हणाले, भाजप सत्तेत असताना देवेंद्र फडणवीस यांनी हद्दवाढीचा प्रयत्न केला. त्यावेळी त्यांनी ग्रामीण भागातील लोकांना विरोधासाठी उठवून बसवले. शेवटी फडणवीस यांनी प्राधिकरण करून विषय पूर्णपणे संपविला. त्यामुळे सतेज पाटील यांनी आपली नेमकी भूमिका स्पष्ट करावी असेही ते म्हणाले.

Chandrakant Patil
पंतप्रधान मोदींनी तोंड भरुन केलं कोकण रेल्वेचं कौतुक, म्हणाले..

सतेज पाटलांनी काय घोषणा केली

शहराची हद्दवाढ अनेक वर्षे नैसर्गिक झालेली नाही. १९७२ ला महापालिकेची स्थापना झाली त्यावेळी शहराची जेवढी हद्द होती, तेवढीच आजही आहे. हद्दवाढ झाली नसल्याने केंद्र शासनाच्या विविध योजनासाठी कोल्हापूर पात्र ठरत नाही. परिणामी निधी मिळत नसल्याने शहर विकासापासून वंचित राहत आहे. त्यामुळे कोल्हापूर शहरात जवळची चार-पाच गावे समाविष्ट केली जाणार असून कोल्हापूर महापालिकेचे १०० प्रभाग होणार असल्याचे संकेत पालकमंत्री सतेज पाटील यांनी दिले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com