पंढरपूर स्टाईलवर उत्तरची निवडणूक लढणार - चंद्रकांत पाटील

बंटी पाटील तुम्हाला माहीती नाही आम्ही निवडणुक कशी लढतो आणि कशी जिंकतो. पंढरपूर कसं जिंकल तुम्हाला माहिती आहे. कोल्हापूर उत्तरची निवडणकूही पंढरपुरच्या स्टाईलवर लढणार आहे, असं अप्रत्यक्ष चॅलेंजच पालकमंत्री सतेज पाटील यांना चंद्रकांत पाटील यांनी दिलं आहे. महाराष्ट्रातील प्रत्येक कार्यकर्त्याला सोबत घेऊन ही निवडणूक लढणार असल्याचेही त्यांनी यावेळी स्पष्ट केलं आहे. आज ते कोल्हापुरात बोलत होते.

यावेळी ते म्हणाले, यामध्ये आपण कुणीही दिवंगत आमदार चंद्रकांत जाधव किंवा जयश्री जाधव यांच्याविषयी न बोलता विकास, परिवर्तन यासंदर्भात चर्चा करु. सत्ताधारी काश्मिर फाईल्सला विरोध करत आहेत, ही दिवाळखोरीपणाचं लक्षण आहे. कॉंग्रेस नेत्यांचं वेगळंच सुरु आहे. त्यांना कशाचंच काहीही पडलेलं नाही. मात्र आम्ही या निवडणुकीत जिंकून दाखवू. सत्यजित कदमांना आमदार केल्याशिवाय भाजपा स्वस्थ बसणार नाही, असेही त्यांनी ठणकावून सांगितले आहे.