Chandrasekhar Bawankule : "डबल इंजिन सरकारमध्ये डबे जोडण्याचा निर्णय मुख्यमंत्री घेतील"

एकनाथ शिंदे यांचे सरकार सत्तेत येऊन आता वर्ष होत आहे. मात्र अजूनही दुसऱ्या टप्यातील मंत्रिमंडळ विस्तार पूर्ण झालेला नाही. पहिला मंत्रिमंडळ विस्तारसुद्धा जवळपास महिना-दीड महिन्याने झाला. त्यामुळे विरोधक शिंदे-फडणवीस सरकारवर टीका करत आहे. दरम्यान भाजप प्रदेशाध्यक्ष चंद्रशेखर बावनकुळे यांनी मंत्रिमंडळ विस्तारावर प्रतिक्रिया दिली आहे.

डबल इंजिन सरकारमध्ये डबे जोडण्याचा निर्णय मुख्यमंत्री घेतील, असे चंद्रशेखर बावनकुळे म्हणाले. बावनकुळे यांनी २ हजारच्या नोटा चलनातून मागे घेतल्याच्या निर्णयावर देखील भाष्य केले. ज्यांच्याकडे इमानदारीच्या नोटा आहेत त्यांना प्रॉब्लेम नाही. ज्यांच्यकडे बेईमानी आणि काळा पैसा त्यांना प्रॉब्लम आहे. अशा निर्णयामुळे काळा पैसा जमविणाऱ्यांना चाप बसेल. जे विरोध करत आहे त्यांच्याकडे काळा पैसा आहे.

त्र्यंबकेश्वर प्रकरणावर बावनकुळे म्हणाले, प्रत्येक धर्माची परंपरा आहे. मात्र ज्या प्रथा नियमात नाहीत त्या थांबल्या पाहिजे. समजात तेढ वाढेल असे कृत्य करू नये. भाजपच्या लोकांनी आंदोलन केले त्यामुळे असंतोष निर्माण झालं नाही. धार्मिक व्यवस्थेला छेद देण्याचा प्रयत्न असेल म्हणून आंदोलन केले.