Bawankule Praises Fadanvis: बावनकुळेंकडून फडणवीसांची स्तुती; म्हणाले,"औरंग्यांच्या प्रेमींना तुरुगांत टाकणारा व्यक्ती..

Chandrashekhar Bavankule praises Fadanvis: महाराष्ट्रात राष्ट्रवादी कॉंग्रेसच्या बंडानंतर राज्यात राजकीय अस्थिरता निर्माण झाली. प्रत्येक पक्षाकडून शाब्दिव वार-पलटवार होऊ लागले. शिवसेना (उद्धव बाळासाहेब ठाकरे)पक्षाच्या उद्धव ठाकरेंनी अमरावतीमध्ये घेतलेल्या सभेत भारतीय जनता पक्षावर सणसणीत टीका केली होती.

त्यांनी केलेल्या या टीकांवर भाजप आणि शिंदे गटाच्या अनेक नेत्यांनी यावर नाराजीही व्यक्त केली. अशातच भारतीय जनता पक्षाचे प्रदेशाध्यक्ष चंद्रशेखर बावनकुळे यांनीही सणसणीत टीका करत अनेक आरोपही केले. त्याचबरोबर त्यांनी देवेंद्र फडणवीस यांची प्रशंसा देखील केली.

भाजपचे प्रदेशाध्यक्ष चंद्रशेखर बावनकुळे यांनी पत्रकार परिषदेत देवेंद्र फडणवीस यांची स्तुती केली तर, उद्धव ठाकरे यांच्यावर धक्कादायक आरोपही केले. चंद्रशेखर बावनकुळे म्हणाले की, "नक्षलवादी, जिहादी आणि औरंग्यांच्या प्रेमी पडलेल्या लोकांना तरुंगात टाकणारा व्यक्ती देवेंद्र फडणवीस आहे."

यापुढे उद्धव ठाकरेंवर आरोप करतं ते म्हणाले की," जिहाद्यांना नक्षलवाद्यांच्या मुव्हमेंटला संरक्षण देणारा त्याच्यावर कुठलीही कारवाई न करणारा व्यक्ती कलंकित व्यक्ती उद्धव ठाकरे." त्यांच्या या विधानात त्यांनी उद्धव ठाकरेंवर नक्षलवादाला खतपाणी घातल्याचा गंभीर आरोप केला.

चंद्रशेखर बावनकुळे यांनी या पत्रकार परिषदेत देवेंद्र फडणवीसांनी कोविड काळात केलेल्या कार्याबद्दल त्यांची स्तुती केली. यापुढे फडणवीसांबद्दल बोलताना बावनकुळे म्हणाले की, "कोविडच्या काळात मी साक्षी आहे, कोविडच्या आयसीयू पर्यंतच्या पेशंटपर्यंत जाऊन, त्याची विचारपूस करुन महाराष्ट्रातल्या सर्व शासकीय दवाखान्यात दौरा करुन राज्याचा विरोधी पक्ष नेता कसा असावा याचा प्रत्यय त्यांनी दिला. कोविड काळात रुग्णांना सर्व सोयी कशा मिळतील. रुग्ण कशा परिस्थीत आहे याची विचारपूस केली."

यावेळी चंद्रशेखर बावनकुळे यांनी उद्धव ठाकरेंना इशाराही दिलायं. जर उद्धव ठाकरेंनी फडणवीसांबद्दल कोणतेही वक्तव्य केले तर ज्या ठिकाणी वक्तव्य केलंय, त्या ठिकाणी आंदोलनाचा इशारा बावनकुळेंनी दिली. याआधी उद्धव ठाकरेंनी भाजपवर केलेल्या टीकांचा संजय शिरसाट यांनी खरपूस समाचार घेतला होता.