maharashtra politics शिंदेगट स्वतंत्र कामगार संघटना काढणार; शिवसेनाला देणार टक्कर | Sakal
sakal

बोलून बातमी शोधा

Eknath Shinde

maharashtra politics शिंदेगट स्वतंत्र कामगार संघटना काढणार; शिवसेनाला देणार टक्कर

शिवसेनेच्या भारतीय कामगार संघटनेच्या धरतीवर शिंदे गटाने नवी रणनिती आखली आहे. शिंदे गट आता स्वतंत्र कामगार संघटना काढणार असल्याची माहिती समोर आली आहे. त्यानंतर राजकीय वर्तुळात कामगार क्षेत्रातही शिंदे गट उतरणार असल्याची जोरदार चर्चा रंगली आहे. (Chief Minister Eknath Shinde will start new labor union )

कामगार क्षेत्रातही शिवसेनेला टक्कर देण्यासाठी शिंदे गट मैदानात उतरला आहे. नव्या कामगार युनिअन उभारण्याची जबाबदारी शिंदे गटाने किरण पावसकर यांच्याकडे दिली असल्याची माहिती समोर आली आहे.

किरण पावसकर यांनी कामगार संघटना चालवण्याचा अनुभव आहे. शिवसेनेसह राष्ट्रवादीतही त्यांनी कामगार संघटना वाढवण्याचा प्रयत्न केला होता. त्यामुळे शिंदे गटानेदेखील पावसकर यांच्याकडे कामगार युनिअनची जबाबदारी दिली असल्याचे बोलले जात आहे.

भारतीय कामगार सेनेचं महत्त्व काय?

भारतीय कामगार सेनेला टक्कर देण्याची तयारी शिंदे गटाने केली आहे. भारतीय कामगार सेना शिवसेनेचं अविभाज्य अंग आहे. हॉटेल, रुग्णालयं मोठ्या उद्योगांमध्ये ६५० शाखा भारतीय कामगार सेनेच्या आहेत. ६५० पैकी ५२५ शाखांना कंपनी व्यवस्थापनाची मान्यता आहे. भारतीय कामगार सेना महासंघाचे ३ लाख सदस्य आहेत. रेल्वे, विमानतळ, टेलीकॉम, ऊर्जा या क्षेत्रात भारतीय कामगार सेनेचा दबदबा आहे.

तसेच, मतदारांपर्यत पोहचण्यासाठी कामगार सेनेचा मोठा वाटा आहे. व्हाईट कॉलर कर्मचाऱ्यांसाठी वेगळी संघटना. स्थानिक लोकाधिकार हक्क संघटनेत ७५ हजार सदस्य आहेत. बँका, विमान कंपन्यामध्ये सेना युनिअनचा दबदबा पाहायला मिळत आहे.

Web Title: Chief Minister Eknath Shinde Will Start New Labor Union

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..