Chitra Wagh On Uddhav Thackeray: भाजप नेत्या चित्रा वाघ यांनी ठाकरे गटावर खोचक टीका केली आहे. राज्यात विदूषकाची टोळी फिरत आहे. उद्धव ठाकरे यांना दुसरं काम उरलं नाही त्यामुळे ते मनोरंजन करतात, अशी टीका चित्रा वाघ यांनी केली.
चित्रा वाघ म्हणाल्या, "जी २० जागतीक परिषदेचे नेतृत्व भारत करत असताना दुसरीकडे काहींच्या पोटात दुखत होतं. यामध्ये पहिला नंबर उद्धव ठाकरे यांचा लागतो. उद्धव ठाकरे यांच्या बालिशपणाची आम्हाला किव येत आहे. दुसऱ्याला कमी लेखण्याच्या नादात स्वत:च्या सडलेल्या आणि पोकळ बुद्धीचा भोपळा बाहेर फोडण्याचं काम उद्धव ठाकरे यांनी केल. त्यांचे विकृत विचार महाराष्ट्राने ऐकले. न घरका न घाटका, अशी त्यांची अवस्था झाली आहे. त्यांच्या नाकर्तेपणामुळे विदूषकी वागण्याची वेळ त्यांच्यावर आली आहे,"
"विदूषक केवळ निखळ मनोरंजन करतो. पण उद्धव ठाकरेंना तेही जमत नाही. उद्धव ठाकरे एकटे नाहीत तर सध्या विदूषकांची टोळी राज्यात फिरत आहेत. विदूषकांमध्ये पहिला नंबर सर्वज्ञानी संजय राऊत, दुसरा नंबर भास्कर जाधव आणि तिसरे विदूषक उद्धव ठाकरे आहेत. विदुषकांचा काम असतं लोंकाना हसवन हे तिन्ही विदूषक रोज महाराष्ट्राला हसवायचे काम करतात", अशी टीका चित्रा वाघ यांनी केली आहे.
राम मंदिर हे बाळासाहेब ठाकरे यांचे स्वप्न होते. आज नरेंद्र मोदी ते स्वप्न पूर्ण करत आहेत. काँग्रेसच्या मांडीला मांडी लावल्यामुळे उद्धव ठाकरे यांच्यात बदल झाला. उद्धव ठाकरे आधी हिंदू विरोधी होते. आता तर ते श्रीरामांच्या विरोधात गेले आहेत, अशी टीका चित्रा वाघ यांनी केली. (Latest Marathi News)
जळगाव येथीळ सभेत उद्धव ठाकरे यांनी भाजप आणि शिंदे गटावर टीका केली होती. दरम्यान भाजप नेत्या चित्रा वाघ यांनी त्यांचा चांगलाच समाचार घेतला आहे. भाजप नेते उद्धव ठाकरे यांच्यावर टीका करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.