Eknath Shinde: जीवे मारण्याची धमकी मिळाल्यानंतर CM शिंदेंची पहिली प्रतिक्रिया, म्हणाले...

मुंबई : जीवे मारण्याची धमकी मिळील्यानंतर पोलिसांनी सुरक्षेची काळजी घेतली असून, यापूर्वी देखील असे प्रयत्न झाले आहेत, मला काही अप्रुप नाही, अशा धमक्यांचा माझ्यावर परिणाम होणार नाही अशी प्रतिक्रिया राज्याचे मुख्यमंत्री एकनाथ शिंदे यांनी दिली आहे. शिंदे यांच्या जीवाला मोठा धोका असून त्यांना जीवे मारण्याची धमकी मिळाल्याची माहिती समोर आली होती, या धमकीच्या पार्श्वभूमीवर मुख्यमंत्र्यांनी प्रतिक्रिया दिली आहे.

असं अनेक वेळा पुर्वी देखील नक्षल तसेच देश विघातक शक्तींनी प्रयत्न केला आहे. त्यामुळे हे असं काही नवीन नाही. मी जनतेमधला माणूस आहे आणि मला जनतेमध्ये जण्यापासून रोखू शकत नाही. माझ्यावर धमक्यांता परिणाम झालेला नाही आणि होणार नाही. पोलिस विभाग याची काळजी घेतोय आणि अशा सूचना पोलिसांना देण्यात आल्या आहेत, असे मुख्यमंत्री शिंदे यावेळी म्हणाले.

मुख्यमंत्री एकनाथ शिंदे यांना जीवे मारण्याची धमकी दिली असल्याची, इतकेच नव्हे तर आत्मघाती स्फोट घडवून शिंदेंना जीवे मारण्याचा कट रचला असल्याचेही सांगण्यात येत आहे. या घटनेनंतर, मुख्यमंत्र्यांची सुरक्षा व्यवस्था वाढवण्यात येणार असून तशा प्रकारच्या सूचना मुंबई पोलिसांनी दिल्या आहेत. महिनाभरापूर्वीच मुख्यमंत्री एकनाथ शिंदे यांना जीवे मारण्याचे पत्र मंत्रालयात त्यांच्या कार्यालयात आले होते. त्यानंतर एक निनावी फोन देखील धमकीचा आला होता. मुख्यमंत्री एकनाथ शिंदे यांना आधीच माओवाद्यांनी जीवे मारण्याची धमकी दिली होती.

सरकारने पीएफआय या संघटनेवर बंदी घातली असून त्याचा या प्रकरणाचा काही संबंध आहे का याचा तपास पोलिस करत आहेत. या आधी नक्षलवाद्यांकडूनही मुख्यमंत्री एकनाथ शिंदे यांनी धमकी आली होती. त्या पार्श्वभूमीवर मुख्यमंत्र्यांचे निवासस्थान आणि त्यांच्या कुटुंबीयांची सुरक्षा व्यवस्था वाढवण्यात आली आहे. काहीदिवसांपूर्वी, शिंदे यांना आधीच माओवाद्यांनी जीवे मारण्याची धमकी दिली होती. नक्षलवाद्यांकडून शिंदे यांना पाठवण्यात आलेल्या पत्रात त्यांच्यासह कुंटुंबियांना जीवे मारण्याची धमकी किंवा जिवघेणा हल्ला होऊ शकतो अशी धमकी देण्यात आली आहे.