मुख्यमंत्र्यांवर आणखी एक संकट! उद्धव ठाकरेंना कोरोनाची लागण

मुंबई : एकनाथ शिंदे यांच्या बंडानंतर शिवसेना तसेच महाविकास आघाडी सरकार दोन्ही आडचणीत सापडले आहे. या दरम्यान शिवसेना प्रमुख व राज्याचे मुख्यमंत्री उद्धव ठाकरे यांना कोरोनाची लागण झाली आहे.

शिंदे यांच्या बंडामुळे शिवसेनेच्या अडचणी काही संपताना दिसत नाहीयेत. राज्यपाल भगतसिंह कोश्यारी यांना आज सकाळी कोरोनाची लागण झाल्याचं वृत्त समोर आलं होतं. असं असतानाच आता मुख्यमंत्री उद्धव ठाकरे यांनाही कोरोनाची लागण झाल्याची माहिती समोर येत आहे . शिवसेनेच्या अधिकृत प्रेसनोट मध्ये मुख्यमंत्र्यांना कोरोना झाल्याचे सांगण्यात आले आहे.

नुकतेच शिवसेना पक्षाध्यक्ष उद्धव ठाकरे यांनी फेसबुक लाईव्हच्या माध्यमातून जनतेशी संवाद साधला. यामध्ये उद्धव ठाकरे राजीनाम्याबाबत काय बोलणार याकडे सर्वांचं लक्ष लागले होते. याबाबत मुख्यमंत्री उद्धव ठाकरे यांनी भाष्य केलंय. ते म्हणाले की, मी मुख्यमंत्रीपद सोडायला तयार आहे. पण उद्धव ठाकरे CM पदी नको हे समोर येऊन सांगावं, असं त्यांनी बंड करणाऱ्या आमदारांना सांगितलं आहे.