Vishwajeet Kadam : काठावरच्या विश्वजीत कदमांना थोरांताचा सल्ला; म्हणाले...

गेल्या काही दिवसांपासून विश्वजीत कदम भाजपच्या वाटेवर असल्याची जोरदार चर्चा रंगली आहे.
Vishwajeet Kadam
Vishwajeet Kadam Sakal

Balasaheb Thorat On Veshwajeet Kadam : गेल्या काही दिवसांपासून विश्वजीत कदम भाजपच्या वाटेवर असल्याची जोरदार चर्चा सांगलीसह पश्चिम महाराष्ट्राच्या राजकारणात रंगली आहे. या सर्व चर्चांमध्ये काँग्रेसचे ज्येष्ठ नेते बाळासाहेब थोरात यांनी विश्वजीत कदम यांचे कौतुक करत वडिलकीचा सल्ला दिला आहे. ते पलूस तालुक्यातील अंकलखोपमधील विविध कार्यकारी सहकारी सोसायटीच्या शताब्दी सोहळ्यातील कार्यक्रमात बोलत होते. यावेळी स्वतः विश्वजीत कदमही उपस्थित होते.

Vishwajeet Kadam
Maharashtra Political Crises : सुप्रीम कोर्टाचा शिंदे गटालाचं प्रश्न Who Are You?

काँग्रेसचा विचार, नेतृत्व पुढे घेऊन नेण्याची जबाबदारी आता विश्वजितवर आहे. विश्वजित कदम यांचा भविष्यकाळ काँग्रेसमध्ये घडेल. तो दुसरीकडे कोठेही घडणार नसल्याचे ते म्हणाले. पतंगराव कदम गेल्यानंतर विश्वजीत कदमांना सांभाळून घ्यावे लागेल असे वाटत होते. मात्र, आता विश्वजीतच सगळ्यांना सांभाळत असल्याचे म्हणत गडी एकदम बिलंदर असून, काँग्रेसचा विचार, नेतृत्व पुढे घेऊन नेण्याची जबाबदारी आता विश्वजीतवर असल्याचे थोरात म्हणाले.

Vishwajeet Kadam
Anna Bhau Sathe : रशियात पुन्हा गाजणार अण्णा भाऊंचं नाव, फडणवीसांच्या हस्ते पुतळ्याचं अनावरण

यावेळी त्यांनी नुकत्याच झालेल्या अशोक चव्हाण आणि उपमुख्यमंत्री देवेंद्र फडणवीस यांच्या भेटीवर भाष्य केले. अशोक चव्हाण गणपती निमित्त एका मित्राकडे गेले होते. त्या ठिकाणी उपमुख्यमंत्री देवेंद्र फडणवीस यांची भेट झाली. मात्र, वृत्तवाहिन्यांनी त्याला वेगळा अँगल दिला. अशा प्रकारच्या बातम्यांमुळे एखाद्याचा कार्यक्रम होऊन जातो असा मिश्किल टोलादेखील थोरातांनी लगावला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com