कौतुकास्पद! राज्यातल्या काँग्रेस नेत्याच्या ८ वर्षांच्या मुलीने केस दान केले...

वडील म्हणून आपल्याला तिचा अभिमान वाटतो अशा शब्दांत या नेत्याने आपल्या भावना व्यक्त केल्या आहेत.
Satyajeet Tambe Daughter
Satyajeet Tambe DaughterSakal

कॅन्सरच्या रुग्णांसाठी केस दान करण्याचं आवाहन अनेक सेवाभावी संस्थांकडून केलं जात आहे. त्या आवाहनाला जनतेकडूनही चांगला प्रतिसाद मिळत आहे. महाराष्ट्रातल्या एका काँग्रेस नेत्याच्या ८ वर्षांच्या लहान मुलीनेही आपले केस दान करत समाजाला प्रेरणा दिली आहे.

काँग्रेसचे युवा नेते सत्यजित तांबे यांची आठ वर्षांची मुलगी अहिल्या हिने आपले केस दान केले आहे. सत्यजित तांबे यांनी आपल्या फेसबुक अकाऊंटवरुन पोस्ट करत याविषयीची माहिती दिली आहे. आपल्या मुलीच्या या कृतीबद्दल आपल्याला तिचा अभिमान वाटतो, असंही तांबे म्हणाले आहेत.

आपल्या फेसबुक पोस्टवर सत्यजित तांबे म्हणतात, "कर्करोगाने ग्रस्त लोक, विशेषत: लहान मुलांना, कर्करोगाच्या उपचार आणि थेरपी दरम्यान केस गळणे किंवा अलोपेसियाचा त्रास होतो. ही अत्यंत क्लेशकारक आणि मानसिकदृष्ट्या त्रासदायक गोष्ट असते. पण माझी ८ वर्षांची मुलगी अहिल्या हिचा मला अभिमान वाटतो, की तिने कर्करोगाच्या रुग्णांसाठी निस्वार्थपणे केस दान केले आणि या आजाराशी लढणाऱ्या रुग्णांबद्दल एक आत्मियता व्यक्त केली. एक वडील म्हणून, तिची ही संवेदनशीलता माझी छाती अभिमानाने फुलवतेच पण समाजासाठी आणखी काम करत राहण्याची प्रेरणा देखील देते! एवढेच नाही, तर नवीन पिढी अशा प्रकारे घडताना पाहून माझ्या मनात चांगल्या भविष्याची आशा देखील जागृत झाली आहे".

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com