काँग्रेसचं मुंबईत आंदोलन; संजय निरुपमांसह प्रमुख नेते पोलिसांच्या ताब्यात

मुंबईत केंद्र सरकारविरोधात जोरदाऱ घोषणाबाजी सुरू असून काही काँग्रेस नेत्यांना ताब्यातही घेतलंय.
Congress Protest Mumbai
Congress Protest MumbaiSakal

देशभरात सध्या काँग्रेसचं जोरदार आंदोलन सुरू आहे. देशातली वाढती महागाई, बेरोजगारी याच्या विरोधात तसंच सोनिया गांधी आणि राहुल गांधी यांची ईडी चौकशी या सगळ्याच्या विरोधात ही निदर्शनं होतायत. दरम्यान, मुंबईतही काँग्रेसची निदर्शनं सुरू आहेत. नाना पटोले, बाळासाहेब थोरात यांच्यासह अनेक नेत्यांना पोलिसांनी रोखण्याचा प्रयत्न केला आहे.

काँग्रेस नेते आणि कार्यकर्त्यांना पोलिसांच्या नोटिसा पाठवण्यात आल्या आहेत. मुंबईतलं हे आंदोलन पोलिसांच्या मदतीने दडपण्याचा प्रयत्न सुरू आहे. अनेक कार्यकर्त्यांची धरपकडही सुरू केली आहे. काँग्रेस नेते संजय निरुपम तसंच माणिकराव ठाकरे, नितीन राऊत, अस्लम शेख यांना पोलिसांनी ताब्यात घेतलं आहे.

Congress Protest Mumbai
ईडी चौकशीविरोधात काँग्रेस आक्रमक; PM मोदींच्या घरावर मोर्चा

प्रदेशाध्यक्ष नाना पटोले (Nana Patole), बाळासाहेब थोरात, माजी मुख्यमंत्री अशोक चव्हाण, पृथ्वीराज चव्हाण, मुंबई काँग्रेसचे अध्यक्ष भाई जगताप (Bhai Jagtap) यांच्यासह काँग्रेस नेते आंदोलनात सहभागी होत आहेत. राहुल गांधी (Rahul Gandhi) यांचा राज्यात १६ दिवसांचा दौरा होतोय. सात लोकसभा मतदारसंघ व १५ विधानसभा मतदारसंघातून ते पदयात्रा काढणार असून त्या माध्यमातून ते थेट जनतेशी संवाद साधणार आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com