उपमुख्यमंत्री देवेंद्र फडणवीस यांच्या पत्नी अमृता फडणवीस यांनी नागपुरमध्ये एका कार्यक्रमात 'महात्मा गांधी हे देशाचे राष्ट्रपिता आहेत आणि मोदीजी नवीन भारताचे राष्ट्रपिता आहेत, असं माझं ठाम मत आहे. असं वक्तव्य केलं होतं. त्यांच्या या विधानावरून विरोधकांनी त्यांच्यावर हल्लाबोल करण्यास सुरूवात केली. काँग्रेसच्या महिला नेत्या संगीता तिवारी यांनी सुद्धा अमृता फडणवीस यांचा तिखट भाषेत चांगलंच समाचार घेतला आहे.
'अहो देवेंद्र भाऊ जरा बायकोला समजवा, आमचे राष्ट्रपिता एकच आहेत. आमचा एकच बाप आहे, दोन बाप नसतात हे आमचे संस्कार नाहीत', अशा शब्दात काँग्रेसच्या महिला प्रदेश उपाध्यक्षा संगिता तिवारी यांनी अमृता फडणवीस यांच्यावर जहरी टीका केली आहे. जर, अमृता फडणवीस यांना जर प्रसिद्धी हवी असेल, तर त्यांनी विवेक ओबेरॉय यांच्यासोबत अल्बम काढावा असा, घणाघातही संगीता तिवारी यांनी केला आहे.
काँग्रेसच्या महिला नेत्या संगीता तिवारी म्हणाल्या की, 'अमृता वहिनी तुम्ही आज जे वक्तव्य केलं आहे, जुना बाप नवीन बाप, काय आहे हे..? अमृता वहिनी तुमच्यावरचे संस्कार आम्हाला माहित नाही. दोन बाप नसतात, बाप एकच असतो. आमच्यावर ते संस्कारही नाहीत. तुमच्यावरच्या संस्काराची चाचपणी करा', असंही संगीता तिवारी म्हणाल्या आहेत.
पुढे त्या म्हणाल्या की, 'अहो देवेंद्र भाऊ जरा बायकोला समजवा, नाहीतर फार कठीण होईल, जर अमृता फडणवीस यांनी आपले शब्द मागे घेतले नाही तर, आम्ही सर्व महिला रस्त्यावर उतरू', असा इशाराही संगीता तिवारी यांनी यावेळी बोलताना दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
