Corona Update: राज्यात दिवसभरात ५,१३२ रुग्णांची भर

मुंबई : राज्यात दिवसभरात कोरोनाबाधित रुग्णांच्या संख्येत काहीशी भर पडली. त्या तुलनेत दीडपट रुग्ण बरे झाल्याने त्यांना डिस्चार्ज देण्यात आला आहे. तसेच मृतांची संख्याही सरासरी इतकी नोंदवली गेली आहे.

आरोग्य विभागाच्या माहितीनुसार, राज्यात दिवसभरात ५,१३२ नवे रुग्ण आढळून आले. तर ८,१९६ रुग्ण बरे होऊन घरी परतले आहेत. तसेच दिवसभरात १५८ रुग्णांचा मृत्यू झाला. दरम्यान, राज्यात सध्या ५८,०६९ अॅक्टिव्ह रुग्ण आहेत. राज्यातील एकूण रुग्णसंख्या ६४,०६,३४५ वर पोहोचली आहे. तर आजवर राज्यात १,३५,४१३ कोरोनाबाधितांचे मृत्यू झाले आहेत.

मुंबई शहराची कोरोना आकडेवारी

मुंबई शहरात दिवसभरात २८३ कोरोना बाधित रुग्ण आढळून आले. तर २९७ रुग्ण बरे झाले आहेत. शहरात आत्तापर्यंत ७,१८,९५५ बरे झाले आहेत. बरे झालेल्या रुग्णांचा दर ९७ टक्क्यांवर पोहोचला आहे. शहरात सध्या सक्रीय रुग्ण २,६८६ आहेत. मुंबईचा रुग्ण दुपट्टीचा दर २०५७ दिवस आहे. तर कोविड वाढीचा दर ०.०४ टक्क्यांवर पोहोचला आहे.

पुणे शहराची कोरोना आकडेवारी

पुणे शहरात दिवसभरात २६६ कोरोनाबाधित रुग्ण आढळून आले. तर २१५ रुग्ण बरे झाल्याने त्यांना डिस्चार्ज देण्यात आला. तसेच पाच रुग्णांचा मृत्यू झाला. दरम्यान, शहरात २०२ गंभीर रुग्णांसह २०५५ रुग्णांवर सध्या उपचार सुरु आहेत.