Coronavirus : महाराष्ट्र राज्यातील रुग्णसंख्या ३३७ वर, दिवसभरात सहा जणांचा मृत्यू

पुणे - कोरोनाने बाधित झालेल्या सहा जणांचा आज मृत्यू झाला. त्यामुळे राज्यातील मृतांची एकूण संख्या १६वर पोहोचली.

दरम्यान, कोरोना विषाणूंचा संसर्ग झालेल्या ३५ नवीन रुग्णांची नोंद आज झाली. यापैकी ३० रुग्ण मुंबईचे, पुण्यातील ४ तर बुलडाण्याच्या एका रुग्णाचा समावेश आहे. यामुळे राज्यातील कोरोनाबाधित रुग्णांची संख्या ३३७ झाली आहे. 

बातम्या ऐकण्यासाठी डाऊनलोड करा ई-सकाळचे ऍप

मृत्युमुखी पडलेल्यांत तीन पुरुष व तीन महिलांता समावेश आहे. या सहा पैकी पाच जण मुंबईतील, तर एक पालघरचा आहे. मृत्युमुखी पडलेल्या महिलांची वये अनुक्रमे ८४, ७३ आणि ६३ अशी आहेत. यातील एका महिलेचा नायर रुग्णालयात, इतर दोघींचा खासगी रुग्णालयात मृत्यू झाला. पुरुषांपैकी एक  ७५ वर्षीय आहे, तर दुसरा ५१ वर्षीय आहे. याशिवाय ५० वर्षीय एका पुरुषाचा पालघर येथे मृत्यू  झाला आहे. हे तिन्ही रुग्ण परदेशातून प्रवास करून आले नव्हते.