दादा भुसेंच्या मुलामुळे भाजपाची डोकेदुखी वाढणार? पोस्टरमुळे अस्वस्थतेची शक्यता

लोकसभा तसंच महानगरपालिकेच्या निवडणुकाही आता तोंडावर येऊन ठेपल्या आहेत. त्या पार्श्वभूमीवर सर्वच राजकीय पक्ष कामाला लागले आहेत. यामध्ये आता शिंदे गटाची भर पडली असून त्यामुळेच स्थानिक पातळीवर भाजपाची डोकेदुखी वाढताना दिसत आहे. काय आहे याचं कारण?

नाशिकचे पालकमंत्री, बाळासाहेबांची शिवसेना गटाचे दादा भुसे यांचे पुत्र आविष्कार भुसे यांचे धुळ्यात पोस्टर्स लागले आहेत. हे पोस्टर्स चर्चेत येण्यामागचं कारण म्हणजे आविष्कार भुसेंना या पोस्टरमध्ये भावी खासदार असं संबोधण्यात आलं आहे. विशेष म्हणजे गेल्या महिन्यात त्यांचा वाढदिवस होऊनही हे पोस्टर्स अजूनही हटवण्यात आलेले नाहीत.

हेही वाचा - Will India Become ‘Sextortion’ Capital Of The World?: भारत ही सेक्सटॉर्शनची जागतिक राजधानी होतेय का?

त्यामुळे आता भाजपा आणि शिंदे गटामध्ये अस्वस्थता निर्माण होण्याची शक्यता वर्तवण्यात येत आहे. आविष्कार भुसे यांनी धुळ्यात गेल्या वर्षभरात युवा संघटनासाठी काम केलं आहे. त्यामुळे आता ते निवडणुकीच्या शर्यतीत असतील, अशा चर्चा या निमित्ताने रंगत आहेत. मात्र आपण हे फलक काढून टाकण्यास सांगितले असल्याचं दादा भुसे यांनी स्पष्ट केलं आहे.