Maharashtra Monsoon Session : "कलाम मुस्लिमांचे हिरो असू शकतात, औरंगजेब नाही"; राज्यातील दंगलींवर फडणवीसांनी सभागृहात दिली माहिती

DCM Devendra Fadanvis : महाराष्ट्र विधिमंडळ अधिवशनाचा आज शेवटचा दिवस आहे. या दिवसानिमित्त राज्याचे उपमुख्यमंत्री देवेंद्र फडणवीस यांनी राज्यातील कायदा आणि सुव्यवस्था यांसंबंधीची माहिती सभागृहात दिली.

यावेळी ते म्हणाले कि, गुन्ह्यांच्या बाबतीत महाराष्ट्राचा क्रमाक देशात तिसरा नाही तर तो १०वा आहे.  महिला आणि बालकांवरील अत्याचारात महाराष्ट्र १२ व्या क्रमांकावर आहे. असाम, दिल्ली, ओडिसा, हरियाणा, तेलंगणा, राजस्थान, अंदमान निकोबार, मध्यप्रदेश, पश्चिम बंगाल, केरळ, आंध्र प्रदेश आणि त्यानंतर महाराष्ट्राचा नंबर लागतो. 

यावेळी ते म्हणाले कि , गेल्या काही दिवसात राज्यात मुद्दाम औरंगजेबाच्या मिरवणुकी निघाल्या. मुद्दाम काही लोक त्याचे स्टेटस ठेवत आहेत. औरंगजेब हा परकीय आहे. भारतीय मुसलमानांचा तो हिरो होऊ शकत नाही.

भारतीय मुसलमानांचे हिरो हे ए.पी.जे अब्दुल कलाम आहेत. छत्रपती शिवाजी महाराज आणि संभाजी महाराज आहेत. जो कोणी राज्यात औरंगजेबाचा पुरस्कार करेल त्याला आम्ही सोडणार नाही असेही फडणवीस म्हणले.