महाराष्ट्र सदन घोटाळा प्रकरण: देशपांडे यांची दोष मुक्ततेसाठी हायकोर्टात याचिका

मुंबई : नवी दिल्लीतील (New Delhi) महाराष्ट्र सदन गैरव्यवहार प्रकरणात आरोपपत्र (charge sheet) दाखल झालेले माजी माहिती आयुक्त दिपक देशपांडे (Deepak Deshpande) यांनी मुंबई उच्च न्यायालयात दोष मुक्ततेसाठी याचिका केली आहे. महाराष्ट्र सदन घोटाळा प्रकरणात सार्वजनिक बांधकाम विभागाचे तत्कालीन सचिव असलेले देशपांडे यांच्या घरावर लाचलुचपत विभागाने धाड (Anti corruption bureau) टाकली होती. यामध्ये कोट्यवधी रुपयांची संपत्ती ताब्यात घेण्यात आली होती. पोलिसांनी देशपांडे यांच्या वर आरोपपत्र दाखल केले आहे. (Deepak Deshpande petition in mumbai high court about Maharashtra sadan fraud case)

सत्र न्यायालयाने त्यांचा दोषमुक्ततेचा अर्ज फेटाळला आहे. यामुळे आत त्यांनी उच्च न्यायालयात याचिका केली आहे. याचिकेवर ता 1 फेब्रुवारी रोजी सुनावणी होणार आहे. तसेच तोपर्यंत खटल्यात गैरहजेरीत राहण्याची मुभा न्यायालयाने मंजूर केली आहे. दरम्यान सामाजिक कार्यकर्ते अंजली दमानिया यांनी यामध्ये बाजू मांडण्यासाठी हस्तक्षेपामुळे अर्ज केला आहे. महाराष्ट्र सदन गैरव्यवहाराची मूळ तक्रार दमानिया यांनी केली होती.