Devendra Fadanvis: वर्षा बंगल्यावर काल रात्री झालेल्या बैठकीवर देवेंद्र फडणवीसांची प्रतिक्रिया; म्हणाले, 'मुख्यमंत्री आणि..'

राज्याच्या राजकारणात गेल्या काही दिवसांमध्ये अनेक घडामोडी घडल्या आहेत. अशातच काल(शनिवारी) रात्री 10 वाजण्याच्या आसपास मुख्यमंत्री एकनाथ शिंदे यांच्या ‘वर्षा’ या शासकीय निवासस्थानी बैठक पार पडली आहे. मुख्यमंत्री एकनाथ शिंदे यांच्या वर्षा निवासस्थानी बैठकीसाठी उपमुख्यमंत्री देवेंद्र फडणवीस आणि उपमुख्यमंत्री अजित पवार दाखल झाले होते. या तीनही नेत्यांमध्ये ‘वर्षा’ निवासस्थानी महत्त्वाची बैठक पार पडली.

मुख्यमंत्र्यांच्या निवासस्थानी ही बैठक दोन तास चालली आहे. तर या बैठकीमध्ये ओबीसी आरक्षण, मराठा आरक्षण तसेच कांदा प्रश्नावर चर्चा झाल्याची शक्यता वर्तवण्यात येत आहे. अचानक झालेल्या या भेटीमुळे राजकीय चर्चांना उधाण आलं आहे. या बैठकीनंतर राज्याच्या राजकारणात अनेक शक्यता वर्तवल्या जात आहेत. अशातच या बैठकीबाबत उपमुख्यमंत्री देवेंद्र फडणवीस यांनी प्रतिक्रिया दिली आहे.

यावेळी बोलताना उपमुख्यमंत्री देवेंद्र फडणवीस म्हणाले की, 'महाराष्ट्राचा विकास करण्यासाठी मुख्यमंत्री आणि दोन उपमुख्यमंत्री यांनी बैठक घेतली तर काय नवल आहे'. दरम्यान या बैठकीमध्ये ओबीसी आरक्षण, मराठा आरक्षण तसेच कांदा प्रश्नावर चर्चा झाल्याची शक्यता वर्तवण्यात येत आहे.

छत्रपती शिवाजी महाराज यांच्या 350 व्या शिवराज्याभिषेक वर्षानिमित्त राज्यातील शासकीय औद्योगिक प्रशिक्षण संस्था, स्थानिक लोकप्रतिनिधी, सामाजिक संस्था आणि दुर्गप्रेमी यांच्या सहभागातून 1 आणि 2 ऑक्टोबरला गडकिल्ले परिसर स्वच्छता अभियान आयोजित करण्यात आलं आहे. यावेळी उपमुख्यमंत्री देवेंद्र फडणवीस बोलत होते.