Lokayukta Bill : आता मुख्यमंत्रीही येणार लोकायुक्त कायद्याच्या कक्षेत; फडणवीसांची मोठी घोषणा

Devendra Fadnavis
Devendra FadnavisSakal

maharashtra legislative winter session 2022 : नागपूर येथे उद्यापासून महाराष्ट्र विधीमंडळाचे हिवाळी अधिवेशन सुरू होत आहे. हिवाळी अधिवेशनाच्या पूर्वसंध्येला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी पत्रकार परिषद घेतली. यावेळी अगामी हिवाळी अधिवेशनात लोकायुक्त विधेयक मांडणार असल्याची माहिती उपमुख्यमंत्री देवेंद्र फडणवीस यांनी दिली. तसेच या कायद्याच्या कक्षेत मुख्यमंत्र्यांना आणि मंत्रिमंडळालादेखील आणणार असल्याची घोषणा देखील त्यांनी केली.

फडणवीस म्हणाले की, अण्णा हजारे मागणी करत होते की ज्याप्रकारे केंद्रात लोकपाल विधेयक झालं तसं महाराष्ट्राचा लोकायुक्ताचा कायदा झाला पाहिजे. त्यानंतर नवीन सरकार आल्यानंतर आण्णा हजारे यांच्या समितीने दिलेला रिपोर्ट पूर्णपणे शासनाने स्विकरला आहे . तसेच नविन लोकायुक्त कायदा करण्याच्या विधेयकाला मुख्यमंत्री एकनाथ शिंदे यांच्या अध्यक्षतेखाली मंत्रिमंडळाने आज मान्यता दिली असल्याची माहिती देखील फडणवीस यांनी दिली.

Devendra Fadnavis
Devendra Fadnavis : …तर मुख्यमंत्री त्यांची इच्छा निश्चित पूर्ण करतील; अजित पवारांना फडणवीसांचा खोचक टोला

विधेयकाला मंत्रिमंडळाच्या बैठकीत मान्याता मिळाली असून त्यानुसार उद्या सुरू होत असलेल्या अधिवेशनात लोकायुक्त कायद्याचं विधेयक मांडणार असल्याची माहिती उपमुख्यमंत्री देवेंद्र फडणवीस म्हणाले. विधेयकानुसार पहिल्यांदाच मुख्यमंत्रांना देखील लोकायुक्तांच्या कक्षेत आणलं जाणार आहे. तसेच मंत्रिमंडळ देखील लोकायुक्त कायद्याच्या अंतर्गत येणार आहे असे फडणवीस म्हणाले. तसेच या कायद्यानंतर लोकायुक्त हे हायकोर्ट किंवा सुप्रीम कोर्टाचे जज या लेव्हलचे राहणार आहेत. पाच जणांची लोकायुक्त समिती स्थापन होणार असल्याची माहिती देखील फडणवीस यांनी यावेळी दिली.

Devendra Fadnavis
Ajit Pawar : विरोधकांचा सरकारी चहापानावर बहिष्कार, अजित पवारांनी सांगितलं कारण; म्हणाले..

पुढे बोलताना, हा कायदा कुणाला अडकविण्यासाठी किंवा सोडविण्यासाठी केला नसून. अण्णा हजारेंनी या कायद्यासाठी मोठा संघर्ष केला आहे. म्हणून जसा मसूदा त्यांची समिती मान्य करेल आम्ही त्यात कुठलाही बदल करणार नाहीत. जो मसूदा त्यांना दिला तो जशाला तसा आम्ही स्विकारला आहे असे फडणवीस म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com