जवाब मिलेगा और ठोक के मिलेगा, फडणवीस यांचा उद्धव ठाकरेंना इशारा | Devendra Fadnavis Comment On Uddhav Thackeray | Sakal
sakal

बोलून बातमी शोधा

Devendra Fadnavis

जवाब मिलेगा और ठोक के मिलेगा, फडणवीस यांचा उद्धव ठाकरेंना इशारा

मुंबई : मुख्यमंत्री उद्धव ठाकरे यांची आज शनिवारी (ता.१४) मुंबई येथे जाहीर सभा पार पडली. या सभेत त्यांनी केंद्रातील मोदी सरकार, महाराष्ट्र नवनिर्माण सेनेचे प्रमुख राज ठाकरे, विरोधी पक्षनेते देवेंद्र फडणवीस, केतकी चितळे, भारतीय जनता पक्षासह विरोधकांचा समाचार घेतला. मुख्यमंत्री ठाकरे यांच्या सभेवर फडणवीस यांनी टीका केली आहे. आपल्या ट्विटमध्ये ते म्हणतात, सर्वत्र पळापळ अन् गदारोळ, नागरिक भयभीत अन् विरोधक दहशतीत, सर्वत्र सन्नाटा अन् लोक घामाघूम.. अरे छट हा तर निघाला आणखी एक टोमणे बाॅम्ब, असा टोला त्यांनी ठाकरेंना लगावला आहे. जवाब मिलेगा और ठोक के मिलेगा, असा इशारा देवेंद्र फडणवीस (Devendra Fadnavis) यांनी मुख्यमंत्र्यांना दिला आहे. (Devendra Fadnavis Criticize Chief Minister Uddhav Thackeray For Public Rally)

हेही वाचा: बाकी सगळे...जय हिंद, जय महाराष्ट्र ! बाळा नांदगावकरांची उद्धव ठाकरेंवर टीका

पुढे ते म्हणतात, मुंबईची मेट्रो-३ आम्ही तीन वर्षांत ८० टक्के पूर्ण केली. एकच काम होते, जे ९ महिन्यांत पूर्ण व्हायचे होते. पण, सरकारने सर्व कामे थांबविली. पण आता पुढचे ४ वर्ष ही आशियातील सर्वांत मोठी मेट्रो खोळंबली. मुंबईकर योग्य वेळी त्यांना शिक्षा देणारच, अशी टीका देवेंद्र फडणवीस यांनी मुख्यमंत्री उद्धव ठाकरे (Uddhav Thackeray) व शिवसेनेवर केली.

हेही वाचा: पुणे : भाजप प्रवक्ते विनायक आंबेकर यांना राष्ट्रवादीच्या कार्यकर्त्यांकडून मारहाण

बाबरी मशिद पाडण्यावरुन ठाकरे म्हणाले, की देवेंद्र फडणवीस यांनी नुसतं मशिदीवर पाय तरी ठेवले असते तरी ती वजनामुळे पडली असती. हिंदुत्व आम्हाला शिकवू नका. ते डोक्यात राहावे लागते, असे उद्धव ठाकरे म्हणाले.

Web Title: Devendra Fadnavis Criticize Chief Minister Uddhav Thackeray For Public Rally

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top