Devendra Fadnavis : मी यांच्या बापालाही घाबरत नाही; फडणवीसांची जीभ घसरली

नाशिकः आगामी निवडणुकांसाठी भाजपने 'महाविजय २०२४' हा संकल्प केला आहे. नाशिकमध्ये भाजप प्रदेशाध्यक्ष चंद्रशेखर बावनकुळे आणि उपमुख्यमंत्री देवेंद्र फडणवीस यांनी ही घोषणा केली.

नाशिकमध्ये समर्पण दिनानिमित्त उपमुख्यमंत्री देवेंद्र फडणवीस यांनी कार्यकर्त्यांना मार्गदर्शन केलं. यावेळी बोलतांना ते म्हणाले की, २०१४ पासून देशामध्ये सर्वसामान्यांचं सरकार आलेलं आहे. महाराष्ट्रानेही भाजपच सर्वात मोठा पक्ष असल्याचं सिद्ध केलं. त्यामुळे येत्या काळात सर्वसामान्यांची तळमळीनं कामं करा.

पुढे बोलतांना फडणवीस म्हणाले की, महाविकास आघाडी सरकारचा मला जेलमध्ये टाकण्याचा प्लान होता. परंतु मी त्यांच्या बापालाही घाबरत नाही. ज्यांना मला जेलमध्ये टाकण्याची जबाबदारी दिली, तेच जेलमध्ये गेले.

फडणवीस नेमकं काय म्हणाले?

• २०१४ पासून देशामध्ये सर्वसामान्यांचं सरकार आलं

• भाजपने शत-प्रतिशत भाजपचा नारा याच भूमीमध्ये दिला होता

• महाराष्ट्रातला पहिल्या क्रमांकाचा पक्ष भाजपच आहे, हे आता सिद्ध झालं आहे

• 'महाविजय २०२४' हा भाजपचा नवा संकल्प आहे

• लोकसभेसाठी मिशन- ४५, विधानसभेसाठी मिशन- २००; भाजप कार्यकारिणीमध्ये निर्णय

• मुख्यमंत्री एकनाथ शिंदे आणि आम्ही ट्वेंटी-२० ची बॅटिंग सुरु केली आहे

• आमदार श्रीकांत भारतीय हे निवडणूक इन्चार्ज, बावनकुळे-फडणवीस यांची घोषणा

• नाशिक येथे भाजपच्या वतीने समर्पण दिन साजरा करण्यात आला

• मला काय मिळणार, याचा विचार न करता कार्यकर्त्यांनी लोकांची सेवा करावी

• हे सरकार गद्दारांचं नसून खुद्दारांचं सरकार आहे. ज्यांनी २०१९ मध्ये पाठीत खंजीर खुपसलं ते गद्दार होते

• हे सरकार बेकायदेशीर सरकार असं म्हणणारांनाच कायदा कळतो काय?

• जे उरले-सुरले १०-१५ आहेत, तेही जातील म्हणून विरोधक घाबरले आहेत

• सर्वोच्च न्यायालयात आपल्या बाजूने निकाल येईल, हा मला पूर्ण विश्वास आहे

• मला जेलमध्ये टाकण्याचा यांचा प्लान होता. परंतु मी यांच्या बापाला घाबरत नाही.

• मी त्यांना पुरुन उरलो. मला जेलमध्ये टाकण्याची जबाबदारी ज्यांच्याकडे होती, ते जेलमध्ये गेले