Mulshi Pattern 2 : आ रा राssss राsss खतरनाक! मुळशी पॅटर्नचा दुसरा भाग येतोय

पुणेः प्रेक्षकांचा भरभरुन प्रतिसाद मिळालेला मराठी चित्रपट मुळशी पॅटर्नचा दुसरा भाग येतोय. मुळशी पॅटर्न सिनेमाचे दिग्दर्शन प्रवीण तरडे यांनी ही घोषणा केली आहे.

प्रवीण तरडे यांनी आज महाराष्ट्र किंग आणि क्विन contest २०२३ या कार्यक्रम प्रसंगी ही घोषणा केली. 'मुळशी पॅटर्न २' बरोबरच 'धर्मवीर २' याचाही दुसरा भाग लवकरच येणार असल्याचं तरडेंनी सांगितलं.

हेही वाचाः प्राचीन काळातली शस्त्रनिर्मिती कला....

या कार्यक्रमाला पुण्याचे पालकमंत्री चंद्रकांत पाटील, अमृता फडणवीस तसेच बॉलिवूड अभिनेता जॅकी श्रॉफ हे उपस्थित होते. मुळशी पॅटर्न हा सिनेमा मराठी रसिकांनी अक्षशः डोक्यावर घेतला होता. आता याचा दुसरा भाग येणार असल्याने सर्वांचीच उत्सुकता शिगेला पोहोचली आहे.

मुळशी पॅटर्न या सिनेमामध्ये उद्योगांसाठी जमिनी गेलेल्या शेतकऱ्यांच्या पुढच्या पिढ्यांची विदारक कहाणी मांडलेली होती. जमिनी गेल्याने हाताला काम नाही आणि आलेल्या पैसा खर्च करण्याची बुद्धी नाही; त्यामुळे गुन्हेगारीकडे तरुण कसे वळले? याबद्दलचं चित्रण आहे.

दिग्दर्शक प्रवीण तरडे यांनी गुन्हेगारी विश्वाचं अचूक आणि नेमकं चित्रण या सिनेममध्ये केल्याने रसिकांनी हा सिनेमा डोक्यावर घेतला. चित्रपटामधले संवाद, सीन आणि कथानक; सगळंच अफलातून जमलं होतं. त्यामुळे या चित्रपटाच्या पुढच्या भागाची सर्वांनाच प्रतीक्षा होती.