मराठा आरक्षणाचे राजकारण नको - चंद्रकांत पाटील

पुणे - ‘मराठा समाजाला कायमस्वरूपी आरक्षण देणे गरजेचे आहे. त्यासाठी सरकारने येत्या १७ मार्च रोजी होणाऱ्या सुनावणीत बाजू भक्कमपणे मांडावी,’’ अशी भाजपचे प्रदेशाध्यक्ष चंद्रकांत पाटील यांनी अपेक्षा व्यक्त केली. तसेच, आरक्षणाबाबत राजकारण करू नये, असा टोलाही त्यांनी लगावला.

ताज्या बातम्यांसाठी डाऊनलोड करा ई-सकाळचे ऍप

मराठा आरक्षणाला स्थगिती देण्यास सर्वोच्च न्यायालयाने नकार दिला आहे. याबाबत राज्य सरकारने आपली बाजू मांडावी, असा आदेश न्यायालयाने दिला आहे. त्यावर १७ मार्च रोजी सुनावणी होणार आहे. या पार्श्‍वभूमीवर घेतलेल्या पत्रकार परिषदेत पाटील यांनी आपली भूमिका मांडली. ते म्हणाले, ‘‘न्यायालयाचा आदेश हा मराठा समाजाला न्याय देणारा आहे. आधीच्या राज्य सरकारने बाजू भक्कम मांडली होती. त्यासाठी ताकदीचे वकीलही नेमले होते.’’

'एनआरसी' हिंदूंच्याही मुळावर येणारा, महाराष्ट्रात लागू करणार नाही : उद्धव ठाकरे