Education Department Action On Unauthorized School
ESakal
मुंबई : महापालिकेच्या शिक्षण विभागाने गेल्या महिन्यात अनधिकृत शाळांवर धडक कारवाईचा बडगा तर उगारला, मात्र कोणतीही ठोस पूर्वतयारी न करता केलेल्या या कारवाईमुळे तब्बल २६ हजार विद्यार्थ्यांच्या शैक्षणिक भवितव्यावर प्रश्न निर्माण झाला आहे. कारवाईच्या अतिउत्साहात शिक्षण विभागाने तब्बल १६४ शाळांना टाळे ठोकले आणि ७७ शाळांवर गुन्हे दाखल केले. यानंतर उघड्यावर आलेल्या हजारो विद्यार्थ्यांना पर्यायी शाळांमध्ये सामावून घेण्यात शिक्षण विभागाची पुरती दमछाक झाली असून, हा संपूर्ण प्रकार आता शिक्षण विभागाच्या चांगलाच अंगलट आला आहे.
