Bacchu Kadu : बच्चू कडूंच्या मंत्रीपदाबाबत दीपक केसरकरांचे मोठं विधान ; म्हणाले, 'त्यांना...'

Deaapak Kesarkar On Bacchu Kadu : शिंदे- फडणवीस सरकारचा अखेर मंत्रिमंडळ विस्तार झालं असून, शिंदे गाटातील 9 जणांना कॅबिनेट पद देण्यात आले आहे. विस्तारानंतर काल पहिल्यांदाच कॅबिनेटची विस्तारित मंत्रिमंडळ बैठक पार पडली. त्यानंतर मंत्रालयात जाण्यापूर्वी आज शिंदे गटातील शपथ घेतलेले सर्व मंत्र्यांनी शिवसेनाप्रमुख बाळासाहेब ठाकरे (Balasaheb Thackeray) यांच्या शिवाजी पार्कवरील (Shivaji Park) स्मृतिस्थळाला भेट देऊन अभिवादन केलं. यावेळी शिंदे गटाचे प्रवक्ते दीपक केसरकर यांनी खाते वाटप कधी होणार याबाबत भाष्य केलं आहे.

केसकर म्हणाले की, मंत्रिमंडळाचा विस्तार दोन दिवसांपूर्वी करण्यात आला असून, आज संध्याकाळपर्यंत खाते वाटप होऊ शकते असे विधान त्यांनी केले आहे. जी जी खाती आम्हाला दिली जातील त्याचा पदभर आम्ही स्वीकारू असे केसरकर यांनी यावेळी स्पष्ट केले. मात्र, हा पदभार स्वीकारण्यापूर्वी बाळासाहेबांचे दर्शन घेणं हे आमच्या सर्वांसाठी आवश्यक होतं. कारण त्यांच्याच प्रेरणेनं महाराष्ट्राचा विकास कारायचा आहे.

विकासादरम्यान, बाळासाहेबांचे विचार आम्हाला कायम प्रेरणा देत राहतील. बाळासाहेबांना जे जे अपेक्षित होते महाराष्ट्रातील जनतेसाठी ते ते करून दाखवण्यासाठी आम्ही सर्व जण प्रयत्न करू. ज्यावेळी शिंदे यांनी मुख्यमंत्री पदाचा पदभार स्वीकारला त्यावेळी आम्ही सर्वच्या सर्व 5 आमदार भर पावसात बाळासाहेबांच्या स्मृतीस्थळावर दर्शनासाठी आलो होतो अशी आठवण त्यांनी यावेळी करून दिली.