वाहनधारकांवर थर्डपार्टी विम्याचा आर्थीक भार वाढणार

मुंबई - केंद्रीय रस्ते वाहतूक (Road Transport) व महामार्ग मंत्रालयाने नविन आर्थिक वर्षात थर्ड पार्टी विम्याच्या (Third Party Insurance) प्रिमीयम मध्ये वाढ करण्याचा निर्णय घेतला आहे. कोरोनाच्या काळात विम्याच्या प्रिमीयममध्ये (Premium) वाढ झाली नसल्याने यावर्षी भरघोस वाढ दिसून येणार आहे. खासगी वाहनधारकांसह वाहतुकदारांनाही आता विमा हफ्त्याचा अतिरीक्त आर्थिक भार सहन करावा लागणार आहे.

केंद्र सरकारच्या थर्डपार्टी विमाच्या प्रिमीयम वाढीच्या निर्णयाला ऑल इंडिया मोटर ट्रांसपोर्ट काँग्रेसने मात्र विरोध केला आहे. देशातील खाजगी विमा कंपनी आल्या पासून सातत्याने विम्याच्या प्रीमियम मध्ये वाढ केली जाते. देशात अपघाताचे प्रमाण कमी झालेले असताना देखील थर्ड पार्टी विमा प्रीमियम मध्ये वाढ होणे चुकीचे असल्याची टिका आॅल इंडिया मोटार ट्रान्सपोर्ट काँग्रेसने केली. शिवाय गेल्या दोन वर्षांमध्ये कोरोना काळात वाहन उभेच असतांना देखील विम्याला मुदतवाढ दिली नसल्याचेही बाबा शिंदे यांनी सांगितले आहे.

देशातील वाहतूकदार आधीच सातत्याने इंधन दरवाढीला सामोरे जात असून, रस्त्यावरील भ्रष्टाचार, टोल टॅक्स, वाहनाचा मेंटेनन्स यामुळे आर्थिक विवंचनेत आहे. व्यवसायाच्या ऑपरेशन कॉस्ट, मिळवणे देखिल कठीण होत आहे. त्यामूळे थर्ड पार्टी विमा प्रीमियम वाढ करू नये अशी मागणी ऑल इंडिया मोटर ट्रांसपोर्ट काँग्रेसचे सदस्य सदस्य बाबा शिंदे यांनी केली आहे.

असे असतील नवे प्रिमीयम

वाहन प्रकार - प्रिमीयम

- कार 1000 सीसी - 2094

1000 सीसी ते 1500 सीसी - 3416

1500 सीसी पेक्षा जास्त - 7897

- दुचाकी 75 सीसी - 538

75 ते 150 सीसी - 714

150 ते 350 सीसी - 1366

350 सीसी पेक्षा जास्त - 2804