Gautami Patil : गौतमी पाटील व्हायरल व्हिडीओ प्रकरणी मोठी अपडेट; आरोपींविरोधात...

पुणे : लावणी नृत्यांगना गौतमी पाटील हिचा कपडे बदलतानाचा व्हिडिओ सोशल मीडियावर व्हायरल केल्याचा धक्कादायक प्रकार उघडकीस आला आहे. याबाबत एका २६ वर्षीय तरुणीने विमानतळ पोलिस ठाण्यात फिर्याद दिली आहे.

पोलिसांनी दिलेल्या माहितीनुसार, यातील तक्रारदार तरुणी गौतमी पाटील यांच्या सहकारी आहेत. दरम्यान, पाटील यांचा कपडे बदलतानाचा व्हिडिओ गुपचूप काढण्यात आला. त्यानंतर तो व्हिडिओ गौतमी पाटील यांच्या नावाने बनावट इन्स्टाग्रामवर खाते काढून अपलोड करण्यात आला. तसेच, तो व्हायरल केला गेला. अज्ञाताने इन्स्टाग्रामसोबत व्हाट्सअपवर देखील तो व्हिडिओ टाकून प्रसारित केला.

हा प्रकार पाटील यांच्या सहकारी तक्रारदार यांच्या निदर्शनास आला. त्यामुळे त्यांनी त्वरित विमानतळ पोलिसांकडे धाव घेतली. घटनेची माहिती देऊन तक्रार दिली. दरम्यान, तक्रारदार तरुणी व त्यांच्या सहकाऱ्यांना संबंधिताने व्हिडिओ व्हायरल करण्याची धमकी देखील दिल्याचे या तक्रारीत म्हटले आहे.

पोलिसांनी यानुसार या खाते धारकांवर गुन्हा नोंद केला आहे. गौतमी पाटील हिच्या नावाने दोन खाते व एका तरुणाच्या नावाने एक खाते अशा तीन खाते धारकांविरोधात गुन्हा नोंद केला गेला आहे.